Pa kvatery kala Nacbiblijateki vystraiłasia čarha, niekatoryja dziažuryli z vychadnych
Niezvyčajnyja prajekty na minskim rynku nieruchomaści źjaŭlajucca nie tak časta. ŽK «Utulny» ad «Minskbuda» ździviŭ niekatorymi momantami: pryvabnaje miesca (i kala lesu, i niedaloka ad mietro), ambicyjnyja rendary, pretenzija na elitnaść. Siońnia ŭ ofisie pačali prymać dakumienty ad pakupnikoŭ, piša Realt. Ludzi stajali ŭ čarzie.
Ludzi kala budynka « Minskbuda» sabralisia ŭžo da 8 ranicy. Havorać, što niekatoryja dziažuryli tut z vychadnych. Kala ŭvachoda viadziecca zapis.
Pieršy dom u žyłym kompleksie «Utulny» raźličany na 6 padjezdaŭ, tam 14-16 pavierchaŭ i 354 kvatery. Budynak u rajonie vulic Padlesnaj—Parnikovaj—Dačnaha prajezdu budzie h-padobnym, z padziemnymi paviercham, techničnym haryščam i płoskim dacham.
Cana kvadratnaha mietra pry 100%-j apłacie ŭ zaležnaści ad płanirovak varjirujecca ad 3300 da 3900 rubloŭ. Takim čynam, adnapakajovaja kvatera płoščaj 37 «kvadrataŭ» abydziecca pakupniku ŭ 144 tysiačy rubloŭ (kala 50 tysiač dalaraŭ), dvuchpakajovaja płoščaj 62 «kvadraty» — u 217 tysiač rubloŭ (kala 75 tysiač dołaraŭ), trochpakajovaja płoščaj 81 «kvadrat» — u 267 tysiač rubloŭ (kala 92 tysiač dołaraŭ).
Dadatkova daviadziecca apłacić parkinh: jaho cana składzie kala 19 tysiač rubloŭ (kala 6,5 tysiačy dalaraŭ).
«Minskbud» abiacaje, što padčas budaŭnictva drevy buduć pa maksimumie zachoŭvacca, tamu tut pavinien atrymacca « zialony» kvartał. Krychu paźniej da šmatpaviarchovikaŭ dadaducca taunchausy i katedžy.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2222
Kamientary