Zaćvierdzili novyja hienpłany Smalavičaŭ, Fanipala i Rudzienska
Łukašenka padpisaŭ ukaz ab zaćviardžeńni novych redakcyj hienieralnych płanaŭ Smalavičaŭ, Fanipala i Rudzienska. Hetyja try harady ličacca haradami-spadarožnikami Minska.
U dakumientach vyznačanyja stratehii terytaryjalnaha raźvićcia haradoŭ-spadarožnikaŭ da 2035 hoda.
«U ich zakładzienyja padychody pa racyjanalnym vykarystańni i ŭładkavańni terytoryj z ulikam resursnych mahčymaściaŭ haradoŭ-spadarožnikaŭ, płanavanych paramietraŭ ich sacyjalna-ekanamičnaha raźvićcia va ŭviazcy ź Minskam, najaŭnych i praduhledžanych u budučyni ekałahičnych abmiežavańniaŭ», — raskazali ŭ pres-słužbie Łukašenki.
Usie praduhledžanyja hienieralnymi płanami mierapryjemstvy, jak śćviardžajecca, aryjentavanyja na «pryrost kolkaści nasielnictva haradoŭ-spadarožnikaŭ i arhanizacyju na ich terytoryi kamfortnaha asiarodździa žyćciadziejnaści ludziej».
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary