Razhledzieli apielacyju pa spravie «Čornaj knihi Biełarusi». Prysud pakinuli bieź źmien
12 maja Viarchoŭny sud razhladaŭ spravu fihurantaŭ «Čornaj knihi Biełarusi», asudžanych zavočna na padstavie śpiecyjalnaj vytvorčaści.
Najvyšejšaja instancyja ŭ asobie sudździ Mikałaja Hrynceviča nie znajšła pryčyn, kab źmianić vyrak, ahučany Minskim haradskim sudom, piša BAŽ.
Adzin z dystancyjna pakaranych, kolišni karespandent haziety «Priessboł», suzasnavalnik partałaŭ Tribuna.com i Sports.ru Dźmitryj Navoša ab prypisanaj jamu «apielacyi» daviedaŭsia ad Biełaruskaj asacyjacyi žurnalistaŭ. Kaža, što heta łahičny praciah papiaredniaha aniekdota, kali partners in crime («kryminalnyja partniory») sprabavali da suda źviazacca z pryznačanymi dziaržavaj «advakatami», ale tyja paprostu chavalisia.
«Ščyra kažučy, upieršyniu čuju pra apielacyju, — ździŭlajecca žurnalist. — Prynamsi, ja dakładna nie padavaŭ nijakaj zajavy — zrešty, jak i nie ličyŭ nieabchodnym udzielničać u pieršym etapie tak zvanaha «suda». Bo vidavočna, što heta prosta častka ahulnaha płana palityčnych represij, i nijakuju praŭdu arhanizatary «pracesu» ad pačatku vyznačać nie źbiralisia».
Nahadajem, u studzieni sudździa Natalla Buhuk zavočna asudziła Janinu Sazanovič, Dźmitryja Navošu, Daniiła Bahdanoviča, Valeryju Zaniamonskuju i Volhu Vysockuju da 12 hadoŭ kałonii kožnaha. Mienavita taki prysud zaprašvaŭ prakuror.
Ciapier čytajuć
Maniekien dziaŭčynki na vakzale ŭ Minsku napałochaŭ i naśmiašyŭ sacsietki5
Kamientary