Pačaŭ pracu servis «Moŭnaja daviedka» ad Instytuta movaznaŭstva imia Jakuba Kołasa Nacyjanalnaj akademii navuk Biełarusi. Jon budzie adkazvać na pytańni, jakija tyčacca pravapisu, vymaŭleńnia, značeńnia i ŭžyvańnia słoŭ i vyrazaŭ, historyi biełaruskaj movy, narodnych havorak, etymałohii, linhvistyčnych vydańniaŭ.
Pra servis paviedamiŭ tviter-akaŭnt Biełaruskaha N-korpusa.
«Moŭnaja daviedka» stavić za metu pavyšeńnie ŭzroŭniu piśmiennaści i ahulnaje raźvićcio kultury maŭleńnia ŭsich, chto cikavicca biełaruskaj movaj, papularyzacyju vydańniaŭ Instytuta movaznaŭstva, abjektyŭnaje adlustravańnie faktaŭ pra biełaruskuju movu.
Dasyłać pytańni možna na elektronnuju poštu [email protected]. Na sajcie buduć raźmiaščacca tolki pytańni, adkazy na jakija mohuć być karysnyja šyrokamu kołu čytačoŭ. Adkazy dajucca biaspłatna.
Padobny pa funkcyi sajt Hramota.ru dla pravierki pravapisu ruskaj movy dziejničaje až z 2000 hoda.
Na sajcie ž samoha Biełaruskaha N-korpusa majecca korpus tekstaŭ sučasnaj biełaruskaj movy, dzie možna adšukać užyvańnie taho ci inšaha słova abo vyrazu ŭ kantekście.
Jašče adzin servis na sajcie, «Biełaruski Biblijny korpus», źmiaščaje 16 pierakładaŭ Biblii na biełaruskuju movu, a taksama teksty na inšych movach (łacina, jaŭrejskaja, ukrainskaja, polskaja i inšyja) dla paraŭnańniaŭ i ŭjaŭlaje saboj zručny i efiektyŭny instrumient dla pierakładčykaŭ i daśledčykaŭ Biblii.
A raździeł «Pravierka pravapisu +anłajn» dapamoža pazbavicca pamyłak u tekście, napisanym aficyjnym pravapisam. Tut ža možna spampavać karysny dadatak dla braŭziera LanguageTool dla pravierki biełaruskaha pravapisu.
«Naša Niva» — bastyjon biełaruščyny
PADTRYMAĆCiapier čytajuć
Zołkin pra Babaryku i Kaleśnikavu: Heta biełahvardziejskaja apazicyja, jak i Jašyn, i Kara-Murza8
Kamientary