Vialikabrytanija pastaviła Ukrainie rakiety dalokaściu 250 km. Heta mianiaje pole boju
Vialikabrytanija pastaviła Ukrainie kryłatyja rakiety vialikaj dalokaści Storm Shadow, paviedamlaje CNN sa spasyłkaj na svaje krynicy. Dalokaść palotu rakiet — 250 km. Heta tolki krychu mienš, čym u amierykanskich kompleksaŭ ATACMS, jakija Kijeŭ prasiŭ u Vašynhtona.
«Krytyčna važna, što ŭ Storm Shadow dastatkova dalokaści, kab nanieści ŭdar uhłyb terytoryi, jakaja ŭtrymlivajecca Rasijaj», — piša CNN, adnak padkreślivaje, što Vialikabrytanija dała hetyja rakiety Ukrainie pry ŭmovie, što jany buduć vykarystoŭvacca tolki na «suvierennaj terytoryi Ukrainy».
Ukraina paabiacała brytancam, što budzie vykarystoŭvać rakiety Storm Shadow tolki na terytoryi Ukrainy, raspavioŭ CNN vysokapastaŭleny zachodni čynoŭnik. Ułady Vialikabrytanii nieadnarazova zajaŭlali, što ličać ukrainskaj terytoryjaj u tym liku Krym.
Rakiety Storm Shadow «mianiajuć praviły hulni z punktu hledžańnia dalokaści», zajaviŭ CNN pradstaŭnik armii ZŠA. Ź jaho słoŭ, jany dajuć Kijevu mahčymaści, «pra jakija jon prasiŭ z samaha pačatku kanfliktu», paviedamlaje telekanał.
Dalokaść palotu Storm Shadow u try razy pieraŭzychodzić radyus dziejańnia ŭsich inšych udarnych sistem, pastaŭlenych raniej Zachadam va Ukrainu. Jany buduć dastavać da ŭsich patencyjnych celaŭ u Krymie.
Samyja dalnabojnyja rakiety, jakija jość va ŭkrainskim vojsku ciapier, — GMLRS z radyusam dziejańnia da 80 kiłamietraŭ. Ich možna zapuskać, u pryvatnaści, z ustanovak załpavaha ahniu HIMARS.
Rakiety Storm Shadow zvyčajna zapuskajuć z pavietra, adznačaje CNN.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary