«Halijaf zachistaŭsia». Załužny nie pryjechaŭ na pasiadžeńnie Vajskovaha kamiteta NATO z-za situacyi na froncie
Hałoŭnakamandujučy Uzbrojenymi siłami Ukrainy Valeryj Załužny nie zmoža ŭziać udzieł u pasiadžeńni Vajskovaha kamiteta NATO 10 maja praz składanuju situacyju na froncie. Pra heta paviedamlaje «Ukrinform» sa spasyłkaj na staršyniu Vajskovaha kamiteta Roba Baŭera na adkryćci sustrečy.
«Ja ŭčora atrymaŭ list ad ukrainskaha hałoŭnakamandujučaha, našaha siabra Valeryja Załužnaha, što jahony ŭdzieł navat praź videakanfierencyju niemahčymy, uličvajučy składanuju apieratyŭnuju situacyju ŭ abaronie suprać rasijskaj ahresii. Našy najlepšyja pažadańni z ukrainskimi abaroncami. My sfakusavanyja atrymać acenku Valeryja ad jaho vajennaha pradstaŭnika … ab apošnim raźvićci situacyi na miescach, dzie ŭkraincy vajujuć za toje, što pa pravie im naležyć».
Jon adznačyŭ, što členy Vajskovaha kamiteta zasłuchajuć infarmacyju ad vajennaha pradstaŭnika Ukrainy pry NATO hienierał-majora Siarhieja Sałkucana.
«Siońniašniaja dyskusija pieršapačatkova budzie sfakusavanaja na rasijskaj ahresiŭnaj vajnie suprać Ukrainy. Rasija ŭžo 15 miesiacaŭ znachodzicca ŭ tym, što, jak jany dumali, budzie trochdzionnaj vajnoj. Halijaf zachistaŭsia, bo David prademanstravaŭ vydatnuju stojkaść i taktyčnuju daskanałaść pry padtrymcy 50-ci dziaržaŭ pa ŭsim śviecie», — skazaŭ admirał Baŭer.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary