Kryścina Cimanoŭskaja raskazała, kolki zarablaje i čamu naŭrad ci vierniecca vystupać za Biełaruś
Biahuchu zaprasili prajści detaktar chłuśni ŭ efiry «Biełsata» i zadali niazručnyja pytańni.
U Kryściny Cimanoŭskaj spytali, ci pahadziłasia b jana viarnucca ŭ Biełaruś zaraz pry ŭmovie zarobku 15 tysiač dalaraŭ. Taja adkazała, što nie.
«Kali kazać tolki pra sport, uziać sumu: kantrakty, sponsary plus zarobak na kamiercyjnych spabornictvach, — to heta suma, bolšaja za 15 tysiač dalaraŭ», — dadała jana pra svoj zarobak ciapier.
Cimanoŭskaja kaža, što navat kali b ułada ŭ Biełarusi źmianiłasia najbližejšym časam, jana nie stała b vystupać za Biełaruś. Biahucha tłumačyć: pa praviłach, kali źmianiaješ spartovaje hramadzianstva, jość trochhadovy karancin na vystupleńni. U Kryściny jon skončycca praz hod i niekalki miesiacaŭ.
«Mnie budzie 26. Kali ŭjavim, što ŭ nastupnym hodzie ŭ Biełarusi źmianiajecca ŭłada i nam treba viarnucca, ja viartajusia i znoŭ padaju zapyt na źmienu spartovaha hramadzianstva. I mnie znoŭ prysudžajuć karancin try hady. I ŭ vyniku ja ź jaho vyjdu ŭ 30-hadovym uzroście, kali karjera ŭžo budzie iści da zakančeńnia, i ŭ sumie atrymajecca, što šeść hod ja prosta straču».
List za sumlennyja vybary Cimanoŭskaja padpisała, užo kali pryjechała ŭ Polšču. Na toje ŭ jaje byli pryčyny.
«Nakont hetaha ŭ nas byli surjoznyja vyśviatleńni adnosin u majoj siamji. Ja prosta paabiacała baćkam nie padpisvać, bo tam byli roznyja momanty, kali mama mahła stracić pracu, baćka ŭ mianie invalid, jon nie pracuje. Što ja mahła zrabić? Ja mahła tolki ŭ toj situacyi padtrymać svaju siamju i nie zrabić jašče horš, bo mama i tak ciahnuła ŭsich na sabie», — padzialiłasia spartoŭka.
-
Dzieviać krain Jeŭropy prapanavali pazbavić MAK i mižnarodnyja fiederacyi, jakija adnavili rasijan, finansavańnia ES
-
Voś na jakim samalocie Aryna Sabalenka i Hieorhijas Franhulis prylacieli ŭ Minsk
-
Aryna Sabalenka z žanichom i sabakam prylacieli ŭ Minsk čartarnym rejsam. Ich sustreli narodnymi tancami i karavajem
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA13
Kamientary