Ministerstva sielskaj haspadarki i charčavańnia źmianiła hraničnyja minimalnyja ceny na tavary, jakija realizujucca pa źniešniehandlovych damovach. Zroblena heta pastanovaj ministerstva ad 5 maja 2023 hoda № 54, apublikavanaj na Nacyjanalnym pravavym partale.
Nižni paroh cen, jakija tyčacca pastavak sielhaspradukcyi ŭ Rasiju, nie źmianiŭsia. A voś na bolšaść tavaraŭ, jakija ekspartujucca ŭ inšyja krainy, jany źmienšylisia.
Naprykład, minimalnaja cana na śmietankovaje masła z utrymańniem małočnaha tłušču 80% i bolš źmienšyłasia da 5,45 dalara za 1 kh. Tolki dla Izraila i Azierbajdžana cana zastałasia na ŭzroŭni 6 dalaraŭ za 1 kh.
Nižni paroh cany na śmietankovaje masła z utrymańniem małočnaha tłušču bolš za 72 %, ale mienš za 80%, pamienšyŭsia da 4,8 dalara za 1 kh. Tolki dla Azierbajdžana jana pa-raniejšamu zastałasia na ŭzroŭni 5,2 dalara za 1 kh.
Minimalnyja ceny na miasa maładniaka bujnoj rahataj žyvioły źmienšylisia da 3,9 dalara za 1 kh, na miasa ž darosłych žyvioł — da 3,8 dalara za 1 kh. Ciapier jany adnolkavyja dla ŭsich krain, aprača Rasii.
Papiaredniaje źmianšeńnie Minsielhascharčam ekspartnych cen na sielskahaspadarčuju pradukcyju było zusim niadaŭna — 12 krasavika.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary