Źmienšyli ceny na biełaruskija małočnyja pradukty, jakija pastaŭlajucca za miažu. Prytym davoli značna
Ministerstva sielskaj haspadarki i charčavańnia pryniało pastanovu, jakoj prykmietna źmienšyła hraničnyja minimalnyja ceny na niekatoruju małočnuju pradukcyju, jakaja realizujecca pa źniešniehandlovych damovach.
Zhodna z dakumientam, ekspartnaja cana na zhuščanaje małako i viarški tłustaściu da 1,5% apuściłasia na 10—13% pry pastaŭkach u Rasiju dy inšyja dziaržavy JEAES, SND i ŭ Hruziju, a taksama adrazu na 26% pry adpraŭcy ŭ astatnija krainy.
Dla anałahičnych tavaraŭ tłustaściu zvyš 1,5% minimalnyja ekspartnyja ceny taksama pamienšali: dla Rasii — na 8%, dla JEAES — na 15,5%, dla SND i Hruzii — na 9,5%, dla inšych krain — na 12,5%.
Rascenki na śmietankovaje masła tłustaściu bolš za 80% źmienšylisia pry pastaŭkach u Rasiju na 4,4%, u dziaržavy JEAES, SND i ŭ Hruziju — na 13%, u Izrail — na 1,6%, u astatnija krainy — na 10%.
Ekspartnyja ceny na śmietankovaje masła tłustaściu 72—80% zrezali nastupnym čynam: pry pastaŭkach u Rasiju — na 5%, u dziaržavy JEAES, SND i ŭ Hruziju — na 14%.
Syry tłustaściu da 45% patańnieli pry pastaŭkach u Rasiju na 7,2%, u dziaržavy JEAES, SND i ŭ Hruziju — na 8,2%, u astatnija krainy (akramia Sierbii i Jehipta) — na 6,6%.
Pry tłustaści pradukcyi zvyš 45% cana na pastaŭki ŭ Rasiju, JEAES, SND i ŭ Hruziju źmienšyłasia na 8,1%, u astatnija krainy (taksama za vyklučeńniem Sierbii i Jehipta) — na 7,4%.
Pastanova ŭstupaje ŭ siłu 12 krasavika.
U śpis ekspartavanych tavaraŭ, na jakija Minsielhascharč Biełarusi z červienia 2022 hoda vyznačaje hraničnyja minimalnyja ceny, uvachodziać roznyja vidy małočnaj pradukcyi, a taksama jałavičyna.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy73
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary