Jaŭhien Pryhožyn źviazaŭsia z pradstaŭnikami Kadyrava dla pieradačy pazicyj u Bachmucie
Na jaho dumku, bajcy śpiecnaza «Achmat» «abaviazkova voźmuć» Bachmut.
Kiraŭnik PVK «Vahnier» Jaŭhien Pryhožyn źviazaŭsia z pradstaŭnikami kiraŭnika Čačni Ramzana Kadyrava dla pieradačy pazicyj u Bachmucie z 10 maja.
«Ja ŭžo źviazvajusia ź jaho pradstaŭnikami, kab pieradaču pazicyj pačać ažyćciaŭlać nieadkładna, dla taho, kab 10 maja, u 00:00, roŭna ŭ toj momant, kali pa našych raźlikach my całkam vyčarpajem svoj bajavy patencyjał», — skazaŭ Pryhožyn.
Na jaho dumku, bajcy śpiecnaza «Achmat» «abaviazkova voźmuć» Bachmut.
4 i 5 maja Pryhožyn vykłaŭ sieryju rolikaŭ, u jakich abviaściŭ, što PVK «Vahnier» vyviedzie svaje vojski z Bachmuta 10 maja, kali nie atrymaje nieabchodnych bojeprypasaŭ ad Ministerstva abarony.
Ramzan Kadyraŭ paviedamiŭ, što «vahnieraŭcaŭ» u Bachmucie mohuć źmianić bajcy «Achmata».
Jon zajaviŭ, što vajskoŭcy nie pakinuć «dobra ŭmacavanyja pazicyi» va Ukrainie na fonie paviedamleńniaŭ pra budučy kontrnastup USU, jakija jon nazvaŭ «tannaj prapahandaj».
Čytać taksama:
Isteryki Pryhožyna pakazvajuć, što Rasija moža być bližejšaj da 1917 hoda, čym my dumajem
Pryhožyn zajaviŭ, što vyviedzie «Vahnier» z Bachmuta 10 maja
Pryhožyn zajaviŭ, što vyviedzie vahnieraŭcaŭ z Bachmuta. Što dumajuć na hety kont USU
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary