«My vyhladajem jak kłoŭny». Pryhožyn adkazaŭ, ci treba ŭžyć jadziernuju zbroju z-za bieśpiłotnikaŭ nad Kramlom
Kiraŭnika PVK «Vahnier» Jaŭhiena Pryhožyna paprasili prakamientavać prapanovy ŭ siecivie adkazać na drony nad Kramlom jadziernaj zbrojaj.
«Jak vy ličycie, ci apraŭdana heta? Jakija miery ŭ adkaz, pa-vašamu, pavinny być pryniatyja?» — spytali ŭ Pryhožyna.
Pres-słužba Pryhožyna apublikavała jaho adkaz.
«Jak čałaviek radykalna nastrojeny, ja mahu skazać, što pra ŭžyvańnie jadziernaj zbroi ŭ adkaz na bieśpiłotnik, viadoma, nijakaj havorki być nie moža.
Treba pierš za ŭsio na dybu taho, chto adkazvaje za baraćbu ź bieśpiłotnikami, razabracca, jak heta mahło adbycca ŭ pryncypie, a paśla hetaha prykłaści ŭsie namahańni dla taho, kab my stali viadučaj dziaržavaj u halinie raźvićcia technałohij BPŁA, i takimi ž bieśpiłotnikami adkazvać.
A tak, my vyhladajem jak kłoŭny, jakija pahražajuć «jadranaj bombaj» na dziciačy bieśpiłotnik», — adreahavaŭ Pryhožyn.
Nočču 3 maja, pavodle rasijskaha boku, ukraincy atakavali Kreml dvuma bieśpiłotnikami.
U vyniku padzieńnia i raźlotu askiepkaŭ nichto nie paciarpieŭ.
Kreml nazvaŭ ataku teraktam i zamacham na Pucina. Ukrainski bok admaŭlaje svaju datyčnaść da zdareńnia.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary