Svajaki zahinułych u trahiedyi na Niamizie prosiać ułady nadać im status jak u siemjaŭ zahinułych vajskoŭcaŭ
Siemjam ludziej, jakija zahinuli ŭ ciskaninie na Niamizie ŭ 1999 hodzie, treba nadać taki ž status, jak i svajakam zahinułych vajskoŭcaŭ. Pra heta paprasiła kiraŭnica hramadskaha abjadnańnia «Niamiha-99» Natalla Navakoŭskaja na pryjomie ŭ staršyni Savieta Respubliki Natalli Kačanavaj, piša «Zierkało».
Na dumku Natalli Navakoŭskaj, baćki maładych ludziej, jakija stali achviarami trahiedyi na Niamizie 24 hady tamu, majuć prava na takija ž pravy, što i členy siemjaŭ vajskoŭcaŭ, jakija zahinuli pry niasieńni abaviazkaŭ vajskovaj słužby.
«Kali my kažam, što my siamja «Niamiha-99», nichto ŭžo nie pamiataje i nie reahuje. A my b nie chacieli heta kožny raz paŭtarać», — patłumačyła žančyna.
Natalla Navakoŭskaja taksama raskazała, što členy abjadnańnia źviarnulisia da čynoŭnikaŭ z prośbaj pryŭźniać pamiatny znak na Čyžoŭskich mohiłkach, dzie paznačanyja imiony 11 zahinułych na Niamizie. Adnak ich nakiravali ŭ śpieckambinat, jaki prapanavaŭ pryznać mahiły biezhaspadarnymi, kab jon moh uziać ich na svoj bałans:
— I heta pry žyvych baćkach! — aburajecca Navakoŭskaja.
Jana skazała, što zadavolenaja pryjomam u Kačanavaj. «Nam jość z čym paraŭnać», — zaznačyła Navakoŭskaja.
Trahiedyja na Niamizie
30 maja 1999 hoda na Niamizie ŭ Minsku zahinuli 53 čałavieki, sotni byli paranienyja.
U toj dzień na bierazie Śvisłačy prachodziŭ piŭny fiestyval z kancertam hurta «Manha-Manha». Raptam pačaŭsia mocny doždž z hradam i navalnicaj. Kala 2,5 tysiačy čałaviek, u asnoŭnym maładych chłopcaŭ i dziaŭčat, sprabavali schavacca ŭ padziemnym pierachodzie, pačałasia ciskanina, jakaja pryviała da trahiedyi.
Ułady rastłumačyli toje, što zdaryłasia źbieham abstavin: nadvorjem, mokrymi prystupkami pierachoda, niećviarozym stanam mnohich udzielnikaŭ śviata i vysokimi abcasami dziaŭčat. Była raspačataja kryminalnaja sprava, u chałatnaści abvinavačvalisia načalnik milicyi hramadskaj biaśpieki HUUS Minharvykankama Viktar Rusak i načalnik adździeła masavych mierapryjemstvaŭ Michaił Kandracin.
Akramia tych, chto vyžyŭ, paciarpiełymi byli pryznanyja 105 svajakoŭ 53 zahinułych. Paśla jany stvaryli hramadskaje abjadnańnie «Niamiha-99». Jaho ŭznačaliła Natalla Navakoŭskaja, jakaja straciła ŭ trahiedyi 16-hadovuju dačku Alaŭcinu.
U 2002 hodzie sud spyniŭ spravu ŭ suviazi sa skančeńniem terminu daŭnaści.
-
Biełarus chacieŭ padać zajavu na DNŽ u Polščy, ale pa pamyłcy adpraviŭ svoj pašpart u padatkovuju inśpiekcyju
-
Aryštavany hramadski aktyvist, šmatdzietny baćka Viktar Jaŭmienienka
-
KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii11
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary