U aeraporcie Taronta skrali kantejnier z zołatam na 20 miljonaŭ kanadskich dalaraŭ
Palicyja Kanady rasśleduje źniknieńnie vialikaha hruzu zołata ŭ mižnarodnym aeraporcie «Taronta Pirsan», jaki časta vykarystoŭvajecca jak pieravałačny punkt dla zołata, zdabytaha ŭ pravincyi Antarya.
Pa źviestkach uładaŭ, 17 krasavika z hruzavoha depo aeraporta źnik avijacyjny kantejnier z zołatam i inšymi kaštoŭnaściami na sumu ŭ 20 miljonaŭ kanadskich dalaraŭ (kala 15 młn dalaraŭ ZŠA), jaki prybyŭ tudy napiaredadni ŭviečary, paviedamlaje Bi-bi-si.
Kali fakt vykradańnia paćvierdzicca, to heta budzie adzin z samych bujnych nalotaŭ u historyi Kanady, naroŭni ź Vialikim kanadskim vykradańniem klanovaha siropu, kali sa schovišča ŭ Kviebieku byli skradzienyja 3 tysiač ton hetaha sałodkaha praduktu amal na takuju ž sumu.
Pa słovach Styviena Dujvieścina, inśpiektara rehijanalnaj palicyi Piła, u padparadkavańni jakoj znachodzicca aeraport Taronta, kradziež kaštoŭnaściaŭ z aeraporta — vypadak redki i vidavočna adasobleny, ale jaho kamanda rasśleduje ŭsie mahčymyja varyjanty.
Na pres-kanfierencyi, naładžanaj u čaćvier prama ŭ aeraporcie, Dujvieścin paviedamiŭ, što ŭ źnikłym avijacyjnym kantejniery akramia zołata byli i inšyja kaštoŭnaści.
Ułady nie stali nazyvać avijakampaniju, jakaja pieravoziła hety kantejnier, adkul prybyŭ hruz i kudy jon pavinien byŭ patrapić.
«Naša meta — raskryć hetaje vykradańnie, ale ŭ detali ja ŭdavacca nie mahu», — zajaviŭ žurnalistam Dujvieścin, padkreśliŭšy, što vykradańnie hruzu zusim nie aznačaje, što pasažyram aeraporta niešta mahło pahražać.
Raniej hazieta Toronto Sun paviedamiła, što, na dumku palicyi, za vykradańniem staić arhanizavanaja złačynnaja hrupoŭka ci navat hrupoŭki, adnak Dujvieścin zaŭvažyŭ, što rabić takija vysnovy jašče zanadta rana.
«Prajšło ŭsiaho try dni, tak što našy śledčyja vyvučajuć usie mahčymaści», — skazaŭ jon.
Kiraŭnictva aeraporta paśpiašałasia adznačyć, što vykradalniki, kali takija byli, nie pranikli ŭ sam aeraport, ale mahli atrymać dostup u depo, jakoje zdadziena ŭ arendu treciamu boku, dastupna dla publiki i nie źjaŭlajecca častkaj pierymietra biaśpieki aeraporta.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ6
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary