Minabarony Polščy paviedamiła pra kibierataku z boku Biełarusi
Biełaruskaja kibierhrupoŭka UNC1151 praviała apieracyju pa dezynfarmacyi, jakaja zaklučajecca ŭ raspaŭsiudzie paviedamleńniaŭ pra mahčymy nabor u litoŭska-polska-ŭkrainskuju bryhadu imia vialikaha hietmana Kanstancina Astrožskaha, havorycca ŭ spravazdačy Minabarony Polščy.
Fejkavyja paviedamleńni byli adpraŭlenyja mnohim hramadzianam Polščy 18 krasavika ŭ vyhladzie SMS-paviedamleńniaŭ i paviedamleńniaŭ u telehramie, piša Reform.by.
Akramia taho, iłžyvaja infarmacyja była adpraŭlena pa elektronnaj pošcie. Dla hetaha złamyśnik vykarystaŭ tolki što zarehistravany damien mon-gov[.]com.
Prykłady adrasoŭ adpraŭnikoŭ:
info@mon-gov[.]com
info@mon-gov[.]com
infolinia@mon-gov[.]com
kontakt@mon-gov[.]com
CSIRT-MON (hrupa reahavańnia Minabarony Polščy na incydenty kampjutarnaj biaśpieki) vyjaviła dadatkovyja niadaŭna zarehistravanyja damieny, jakija ź vialikaj vierahodnaściu buduć vykarystoŭvacca ŭ toj ža apieracyi.
gov-mon[.]com
government-mon[.]com
mon-government[.]com
Polskija vajennyja ekśpierty ličać, što ataka maje prykmiety apieracyi na asnovie zahadzia padrychtavanaj infarmacyjnaj bazy. U hety ž čas była zapuščanaja prapahandysckaja kampanija, jakaja pierakonvała ŭ tym, što bryhada budzie ŭdzielničać u bajavych dziejańniach na terytoryi Ukrainy. Farmiravańniem infarmacyjnaha fonu zajmalisia tyja ž krynicy, jakija pastajanna ŭdzielničajuć u rasijskich dezynfarmacyjnych apieracyjach.
«Heta jašče adzin vypadak, kali praciŭnik sumiaščaje apieracyi ŭ infarmacyjna-psichałahičnaj śfiery z techničnymi dziejańniami dla vykanańnia pastaŭlenych zadač», — havorycca ŭ spravazdačy CSIRT-MON.
Adznačajecca, što ataka nie karotkaterminovaja i budzie praciahnutaja.
U Minabarony Polščy paraŭnoŭvajuć vyjaŭlenuju ataku z anałahičnaj akcyjaj u studzieni 2023 hoda. Tady złamyśniki, vydajučy siabie za MUS Polščy, nakiravali hramadzianam krainy listy, što źmiaščajuć iłžyvuju infarmacyju pra nieabchodnaść pieradačy danych ab hramadzianach Ukrainy, jakija pražyvajuć na terytoryi Polščy.
Elektronnyja listy raspaŭsiudžvalisia z paštovych skryń na nastupnych damienach, jakija kantralujucca złamyśnikam:
mswia-gov-pl[.]site
mswia-gov-pl[.]pw
mswia[.]pw
mswia-gov-pl[.]online
mswia-gov[.]pwrmaps
U sakaviku 2023 hoda była praviedziena čarhovaja dezynfarmacyjnaja kampanija, jakaja palahaje ŭ rassyłańni elektronnych listoŭ polskim hramadzianam ź infarmacyjaj pra mahčymyja terakty ŭ Polščy.
Paviedamleńni byli adpraŭlenyja z paštovych skryń u damienach, struktura jakich praduhledžvaje sprobu vydać siabie za palicyju:
p0licja[.]eu
policja-pl[.]info
p0licja[.]info
p0licja[.]pw
policja.in[.]net
policja[.]pw
policja-pl[.]com
p0licja-pl[.]info
p0licja[.]com
poli-cja[.]com
policia[.]pw
Ekśpierty CSIRT-MON ličać, što apisanyja apieracyi pa dezynfarmacyi z vysokaj dolaj vierahodnaści pravodzilisia biełaruskaj hrupoŭkaj UNC1151.
Na asnovie niekalkich hadoŭ pastajannaha nazirańnia za dziejnaściu hrupy UNC1151, CSIRT-MON zrabiła chutkuju atrybucyju ŭ suviazi z vykarystańniem TTPs, jakoje ŭpisvałasia ŭ vobraz dziejańniaŭ nazvanaha supiernika. Heta praciah kampanii dezynfarmacyi pad nazvaj Ghostwriter.
Kampanija pa dezynfarmacyi Ghostwriter pad kiravańniem hrupy UNC1151 imkniecca:
padarvać dvuchbakovyja adnosiny Polščy z ZŠA i inšymi krainami NATA,
parušyć polska-ŭkrainskija adnosiny,
dyskredytavać dapamohu, akazanuju Ukrainie Polščaj i inšymi krainami NATA,
stvaryć umovy dla sacyjalnych chvalavańniaŭ siarod polskich hramadzian,
atrymać infarmacyju ŭ raźviedvalnych metach, uklučajučy infarmacyjna-psichałahičnyja apieracyi,
padtrymać rasijska-biełaruskija infarmacyjnyja apieracyi suprać NATA.
U Minabarony Polščy nahadvajuć, što hrupa UNC1151, akramia praviadzieńnia kampanij pa dezynfarmacyi, pastajanna ładzić fišynhavyja kampanii, źviazanyja z kradziažom ulikovych danych dla ŭvachodu ŭ elektronnuju poštu. Złamyśnik taksama ŭzłomvaje veb-sajty i pravodzić kampanii, nakiravanyja na raspaŭsiud škodnych prahram. U 2023 hodzie CSIRT-MON vyjaviła dźvie sproby dastaŭki škodnaha PZ UNC1151 arhanizacyjam, jakija znachodziacca pad kantrolem ministra nacyjanalnaj abarony.
Paśla rasijskaha ŭvarvańnia va Ukrainu CSIRT-MON adznačaje značnaje ŭzmacnieńnie aktyŭnaści hrupy UNC1151 suprać Polščy i Ukrainy.
Ciapier čytajuć
Bližejšym časam buduć vyzvaleny bolš za 150 palitźniavolenych36
Kamientary