Jeŭrakamisija vystupiła suprać zabarony na impart ukrainskaha zbožža ŭ Polšču i Vienhryju
Jeŭrakamisija zajaviła, što pastanovy Polščy i Vienhryi ab časovaj zabaronie impartu ŭkrainskaha zbožža na svaju terytoryju nieprymalnyja, piša BBC.
«Važna padkreślić, što handlovaja palityka — heta vyklučnaja kampietencyja ES, i tamu adnabakovyja dziejańni nieprymalnyja», — havorycca ŭ zajavie.
«U takija składanyja časy vielmi važna kaardynavać i ŭzhadniać usie pastanovy ŭnutry ES», — zajaviła Jeŭrakamisija. Jakija dziejańni jana raspačnie, pakul nie paviedamlajecca.
U subotu Polšča i Vienhryja abviaścili ab časovaj zabaronie na impart ukrainskaha zbožža.
Zabarona na impart ukrainskaha zbožža ŭ Polšču datyčyć i jaho tranzitu ŭ trecija krainy, napisaŭ u tvitary ministr raźvićcia i technałohij Polščy Valdemar Buda.
Pavodle jaho, uzhadnić sistemu, jakaja dazvalaje ŭkrainskamu zierniu pierasiakać polskuju terytoryju, nie traplajučy na miascovy rynak, treba budzie na pieramovach.
Ukrainskaje dziaržaŭnaje ahienctva «Ukrinfarm» paviedamlała, što dvuchbakovyja pieramovy pryznačany na paniadziełak.
Da pačatku poŭnamaštabnaj vajny bolšaja častka ŭkrainskaha zbožža ekspartavałasia praz čarnamorskija party. Paśla jaje pačatku ekspartavać zbožža pa mory ŭ raniejšych abjomach stała niemahčyma, navat niahledziačy na «zbožžavuju ździełku».
Imknučysia dapamahčy Ukrainie, Jeŭrasajuz admianiŭ impartnyja pošliny dla ŭkrainskaha zbožža i pastaraŭsia palehčyć umovy dla jaho vyvazu naziemnym transpartam. Heta vyklikała niezadavolenaść fiermieraŭ u takich krainach, jak Polšča, Vienhryja i Rumynija, dzie fiermiery skardziacca na padzieńnie cen na svaju pradukcyju.
-
Prybytak Volkswagen upaŭ na 44%. Kancern skarocić 50 tysiač pracoŭnych miescaŭ u Hiermanii
-
U Polščy paviedamili pra zatrymańnie biełaruskaha «złodzieja ŭ zakonie». Voś tolki niezrazumieła, što ź im rabić dalej
-
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2
Kamientary