Sa źlivaŭ sakretnych dakumientaŭ stała viadoma, u kolki čałaviek FSB aceńvaje straty Rasii va Ukrainie
U FSB ličać, što realnaja kolkaść zabitych i paranienych z boku Rasii va Ukrainie składaje kala 110 tysiač čałaviek. Pra heta havorycca ŭ apubličanych dakumientach amierykanskaj raźviedki, piša The New York Times. Hetuju infarmacyju raźviedcy ŭdałosia atrymać, chutčej za ŭsio, ź pierachopaŭ elektronnych paviedamleńniaŭ, zaznačaje hazieta.
Pavodle dakumientaŭ, FSB abvinavaciła Minabarony Rasii va «ŭtojvańni rasijskich strat va Ukrainie». Pavodle FSB, Minabarony nie ŭličvaje ŭ svaich spravazdačach straty siarod bajcoŭ Rashvardyi, najmitaŭ PVK «Vahnier» i vajskoŭcaŭ, jakija adpraŭlajucca va Ukrainu z Čačni.
Na dumku amierykanskaj raźviedki, hetaja infarmacyja pakazvaje niežadańnie vajskoŭcaŭ «pieradavać drennyja naviny pa łancužku kamandavańnia».
U źlitych dakumientach taksama śćviardžajecca, što prezident Rasii Uładzimir Pucin sprabavaŭ asabista ŭrehulavać kanflikt pamiž zasnavalnikam PVK «Vahnier» Jaŭhienam Pryhožynym i ministram abarony Siarhiejem Šajhu, vyklikaŭšy ich na sumiesnuju sustreču 22 lutaha. Pryhožyn raniej skardziŭsia na niedachop bojeprypasaŭ, abvinavačvajučy ŭ hetym Šajhu i kiraŭnika Hienštaba Valeryja Hierasimava.
Reuters sa spasyłkaj na inšy dakumient z uciečki paviedamlała, što, pavodle acenki amierykanskich vajskoŭcaŭ, Rasija straciła ad 189,5 tysiačy da 223 tysiač čałaviek, ź jakich zabitymi — 35—43 tysiačy. Zhodna z hetym dakumientam, straty Ukrainy składajuć ad 124,5 tysiačy da 131 tysiačy čałaviek, ź jakich zabitymi — 15,5—17,5 tysiačy.
Rasijskija žurnalisty pa adkrytych krynicach naličyli kala 20 tysiač rasijskich vajskoŭcaŭ, jakija zahinuli padčas poŭnamaštabnaha ŭvarvańnia vojskaŭ RF va Ukrainu.
Ministerstva abarony RF apošni raz publična paviedamlała pra straty 21 vieraśnia 2022 hoda — u dzień abjaŭleńnia mabilizacyi. Tady viedamstva śćviardžała, što va Ukrainie zahinuli 5937 rasijskich vajskoŭcaŭ.
Čytajcie taksama inšyja materyjały pra źliŭ sakretnych dakumientaŭ Pientahona i NATA:
U sacsietki trapili płany ZŠA i NATA pa padrychtoŭcy ŭkrainskaha nastupu
Z sakretnych amierykanskich dakumientaŭ stali viadomy straty ŭkrainskaj armii
Ukraina źmianiła vajennyja płany z-za ŭciečki sakretnych dakumientaŭ Pientahona — CMI
U źlitych sakretnych dakumientach ZŠA tłumačycca dyviersija ŭ Mačuliščach
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary