Hienprakuraturu Rasii prosiać pravieryć Ału Puhačovu na finansavańnie Uzbrojenych sił Ukrainy, havorycca ŭ zvarocie kiraŭnika Fiederalnaha prajekta pa biaśpiecy i baraćbie z karupcyjaj Vitala Baradzina.
Baradzin u zvarocie adznačyŭ, što, pražyvajučy ciapier u Izraili, Puhačova praciahvaje krytykavać vajnu va Ukrainie.
Taksama, pavodle jaho słoŭ, jana padtrymlivaje dziejačaŭ kultury i mastactva, jakija pakinuli Rasiju i aktyŭna krytykujuć vajnu i akazvajuć finansavuju dapamohu Ukrainie.
«Raniej Fiederalnym prajektam byli ŭstanoŭleny zamiežnaje finansavańnie dziejnaści Ały Puhačovaj i jaje suviazi z zachodnimi śpiecsłužbami», — adznačajecca ŭ zvarocie.
Taksama na pradmiet finansavańnia USU vyrašyli pravieryć dačku Puhačovaj Kryścinu Arbakajcie i jaje starejšaha syna Mikitu Praśniakova. Z takoj zajavaj u SK źviarnulisia «hramadskija dziejačy». Jašče prosiać adabrać u śpiavački kvateru ŭ centry Maskvy, jakaja dastałasia ad Ały Puhačovaj.
Ału Puhačovu pravierać nakont dyskredytacyi armii
«Byli chałopami, stali rabami». Ała Puhačova adkazała na krytyku
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj79
Kamientary