Žurnalisty ahienctva Reuters vyjavili ŭ masivie dakumientaŭ, jak miarkujecca, što byli źlityja ź Pientahona, śviedčańni taho, što Białhrad uziaŭ na siabie abaviazacielstva akazać Ukrainie dapamohu ŭzbrajeńniami, a mahčyma, užo i akazaŭ jaje, piša Bi-bi-si.
Sierbija — adzinaja kraina ŭ Jeŭropie, jakaja admoviłasia nakłaści na Rasiju sankcyi za ŭvarvańnie va Ukrainu.
Hetuju infarmacyju žurnalisty Reuters vyjavili ŭ reziume adkazaŭ jeŭrapiejskich uradaŭ na zapyty Ukrainy ab vajskovaj padrychtoŭcy i akazańni «śmiarotnaj dapamohi» — pad hetym terminam, jak praviła, razumiejecca zbroja.
Zhodna z dakumientam, Sierbija admoviłasia pravodzić navučańnie ŭkrainskich sił, ale abaviazałasia adpravić śmiarotnuju dapamohu ci ŭžo dała jaje. U im taksama havorycca, što ŭ Białhradzie jość palityčnaja vola i resursy dla taho, kab pieradavać zbroju Ukrainie ŭ budučyni. Dakumient datavany 2 sakavika.
Jak adznačaje ahienctva, heta dziŭna, bo Sierbija doŭhi čas usprymałasia jak adzin z «siabroŭ» Rasii na suśvietnaj arenie i pa vajnie va Ukrainie kraina starałasia zaniać niejtralnuju pazicyju. Prezident Sierbii Alaksandr Vučyč sprabavaŭ i zachavać ciesnyja suviazi z Maskvoj, i nie stracić mahčymaści ŭstupleńnia Sierbii ŭ ES.
Ni ŭ Kijevie, ni ŭ Białhradzie hetuju infarmacyju pakul nie kamientavali.
Uciečka sakretnych dakumientaŭ Pientahona vyjaviłasia jašče na minułym tydni, ale žurnalisty praciahvajuć raźbirać dziasiatki dakumientaŭ i znachodziać u ich niešta novaje.
U źlitych sakretnych dakumientach ZŠA tłumačycca dyviersija ŭ Mačuliščach
«Robicca nievynosna». Ministr ekanomiki Sierbii zaklikaŭ uvieści sankcyi suprać Rasii
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary