U Homieli źbiralisia budavać akvapark, ale zamiest jaho paŭstanie abjekt «Hazprama»
Staršynia Homielskaha harvykankama Uładzimir Pryvałaŭ raskazaŭ pra pierśpiektyvy budaŭnictva akvaparku ŭ Homieli. Učastak pad jaho byŭ zareziervavany jašče ŭ 2013 hodzie, adnak da hetaha času tak i nie znajšli inviestara. Ciapier ža, jak vyhladaje, płany ŭvohule pamianialisia, piša «Fłahštok».
Na pačatkovym etapie prajekt Homielskaha akvaparku praduhledžvaŭ najaŭnaść basiejna, fitnes-kłuba, ściany dla skałałažańnia, parnych i suchich saun, kompleksu atrakcyjonaŭ, vodnych horak, trenažornaj zały, sietki drobnaroźničnaha handlu, kropak charčavańnia, uklučajučy mini-bary na vadzie, kafe i restarany. Ahulny košt prajekta aceńvaŭsia ŭ 14 młn dalaraŭ.
Jašče ŭ minułym hodzie były inśpiektar pa Homielskaj vobłaści Mikałaj Rahaščuk nazyvaŭ budaŭnictva akvaparku adnym z najbolš pierśpiektyŭnych miescaŭ pryciahnieńnia inviestycyj u Homiel, tady ž adbyŭsia aŭkcyjon pa prodažy prava arendy ziamielnaha ŭčastka. Adnak nieŭzabavie pakupnik admoviŭsia ad realizacyi ździełki.
Siońnia staršynia harvykankama Uładzimir Pryvałaŭ u pierśpiektyvy znachodžańnia inviestara pad taki prajekt užo nie vieryć. Pavodle jaho, samy realny vychad na siońnia — pabudavać spartyŭna-azdaraŭlenčy kompleks z akvazonaj, a amataram vodnych zabaŭ čynoŭnik parekamiendavaŭ jeździć u Minsk.
Taksama čynoŭnik paviedamiŭ, što ciapier viaducca pieramovy ab budaŭnictvie abjekta z udziełam «Hazprama».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary