Čerhi na vyjezd u Jeŭrasajuz pavialičylisia na 20% — Pahrankamitet
Z-za zapavolenaha afarmleńnia transpartu sumiežnymi kantrolnymi słužbami čerhi z mašyn na ŭjezd u Polšču, Litvu i Łatviju vyraśli na 20%, paviedamlaje Dziaržaŭny pahraničny kamitet. Pamiežniki tłumačać napružanuju situacyju z vyjezdam na miažy pieradśviatočnymi dniami.
U piatnicu, 7 krasavika, samaja doŭhaja čarha z hruzavikoŭ sabrałasia kala punkta propusku «Kazłovičy» — «Kukuryki» na miažy z Polščaj: tut čakaje afarmleńnia bolš za tysiaču fur. Z pačatku tydnia polskija pamiežniki i mytniki prapuskajuć tolki pałovu vielikahruzaŭ ad normy. Praz punkt propusku «Brest» — «Tarespal» prapuskajuć u siarednim uvohule nibyta 26% lehkavych aŭtamabilaŭ.
Dla paraŭnańnia: litoŭski bok prapuskaje ŭ siarednim 45% vielikahruzaŭ, łatvijskija pamiežniki praz punkt «Paternijeki» — «Hryharoŭščyna» afarmlajuć 56% transpartu (u čarzie bolš za 170 aŭtamabilaŭ).
Z zatrymkami idzie afarmleńnie ŭ litoŭskich punktach propusku «Miadzininkaj» — «Kamienny Łoh» (610 hruzavikoŭ u čarzie), «Šalčyninkaj» — «Bieniakoni» (490 fur) i «Rajhardas» — «Pryvałka» (180 vielikahruzaŭ).
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj6
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary