«Jana była ŭpeŭnienaja, što ŭ padarunku budzie znachodzicca pryłada, jakaja dazvolić atrymać dostup da čałavieka. Ale nie bomba», — muž Trepavaj
«Vielmi dobry i čuły čałaviek, nikoli b nie pajšła na zabojstva. I nikoli b nie źmiryłasia sa stratami. Upeŭnieny na 100%, što jaje padstavili». Muž Darji Trepavaj prakamientavaŭ vydańniu «Možiem objaśniť» abvinavačvańni ŭ zabojstvie Uładlena Tatarskaha.
Dźmitryj Ryłaŭ upeŭnieny, što jaho žonku padstavili. Jon zajaviŭ, što asudžaje terakt u Pieciarburhu i ŭpeŭnieny, što žonka nie viedała pra bombu. «Ja liču, što Darju padstavili i vykarystoŭvali niejkija ludzi dla svaich metaŭ. Ja na 100% upeŭnieny, što Darja nie viedała, što mienavita jana pranosić u zału», — zajaviŭ Ryłaŭ.
Nacyjanalny antyterarystyčny kamitet zajaviŭ, što zabojstva Uładlena Tatarskaha było spłanavanaje «śpiecsłužbami Ukrainy z dapamohaj FBK». Adnak muž Trepavaj adkidaje hetuju zdahadku.
«Heta poŭnaje tryźnieńnie. Jana była absalutna ŭpeŭnienaja ŭ tym, što ŭ padarunku budzie znachodzicca niejkaja pryłada, jakaja dazvolić atrymać dostup da čałavieka i naŭrad ci budzie vyjaŭlenaja adrazu, a mahčyma, nikoli. Ale heta dakładna nie pavinna była być bomba», — kaža Ryłaŭ.
Dźmitryj Ryłaŭ paćvierdziŭ, što jaho žonku zatrymali ŭ kvatery jaho znajomaha, jakoha zavuć Dźmitryj Kasincaŭ. «Ja sam paprasiŭ jaho prytulić Dašu, u momant, kali jašče ničoha nie było viadoma, što zdaryłasia. Jon absalutna ničoha nie viedaŭ, ni ŭ čym nie vinavaty i nie maje nijakaha dačynieńnia da taho, što zdaryłasia, i nichto nie viedaje, dzie jon ciapier i što ź im», — skazaŭ Ryłaŭ.
Ciapier muž Trepavaj šukaje advakata dla jaje.
Sam Ryłaŭ zjaŭlajecca prychilnikam Libiertaryjanskaj partyi i ciapier znachodzicca ŭ Hruzii. Jon razam z žonkaj byŭ zatrymany na antyvajennych mitynhach u Pieciarburhu ŭ lutym 2022 hoda i atrymaŭ dzieviać sutak administracyjnaha aryštu. Darji dali tady na adzin dzień bolš.
Zatrymali dziaŭčynu, jakuju padazrajuć u datyčnaści da zabojstva Uładlena Tatarskaha
U picierskaj kaviarni padarvali prapahandysta Uładlena Tatarskaha. Vybuchoŭku, imavierna, schavali ŭ padoranaj załatoj statuetcy
«Pavuki jaduć adzin adnaho». Padalak prakamientavaŭ padryŭ rasijskaha vajenkara ŭ kaviarni
«Usich zabjom, kaho treba, abrabujem. Z Boham». Chto taki Uładlen Tatarski, jakoha padarvali ŭ picierskaj kaviarni
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary