Homielskija milicyjanty zrabili spravazdaču pra represii, a vypadkova pakazali rasijskija rakietnyja kompleksy
Na apublikavanym siońnia videa raspaviadajecca pra zatrymańnie «śpiačaj jačejki ekstremistaŭ» i zachop adnaho z hramadzian, jaki pravodzicca padraździaleńniem AMAPa ŭ administracyjnym budynku homielskaha aeraporta.
Na milicejskaj zdymcy na zadnim płanie dobra vidać dva rakietnyja kompleksy, źviarnuŭ uvahu «Fłahštok».
Rakietnyja kompleksy na kołavym šasi znachodziacca kala ŭźlotnaj pałasy. Imavierna, heta ZRK S-300 ci S-400 — sistema SPA, jakaja taksama ŭžyvajecca dla naniasieńnia ŭdaraŭ pa Ukrainie.
Takim čynam milicyjanty sami adkazali na pytańnie, što rasijskija vajskova-transpartnyja samaloty An-124 dastaŭlajuć u Homiel apošnija dni.
Raniej «Biełaruski Hajun» paviedamlaŭ, što 30 sakavika ŭ Homielskim rajonie była zaŭvažana kałona vajskovaj techniki, u jakoj pieravozili rakiety dla ZRK S-300/400. Pa paviedamleńniach vidavočcaŭ, kałona ruchałasia ŭ kirunku aeradroma Ziabraŭka, kudy, jak miarkujecca, pierakidvajuć rakiety i ZRK S-400.
Taksama ŭ čaćvier u Homieli byŭ zafiksavany čarhovy prylot zvyšciažkaha transpartnaha samalota PKS RF.
«Fłahštok» padkreślivaje, što vykarystańnie homielskaha aeraporta źjaŭlajecca važnym indykataram vajskovaj aktyŭnaści vojska RF u rehijonie. Samaloty hetaj madeli bačyli ŭ homielskim aeraporcie 25, 27, 28 i siońnia — 30 sakavika. Heta najbolš aktyŭnaje vykarystańnie aeradroma ź viasny 2022 hoda.
Razam z tym maštabnaha pieramiaščeńnia vajskovaj techniki pa darohach vobłaści pakul nie nazirajecca.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary