Biełarusa, jaki padazrajecca ŭ rabavańni, zatrymali ŭ Polščy praz try hady
Supracoŭniki varšaŭskaj palicyi aryštavali hramadzianina Biełarusi. Jon padazrajecca ŭ rabavańni z užyvańniem chałodnaj zbroi, ździejśnienym jašče ŭ sakaviku 2020 hoda. Inšych padazravanych u hetaj spravie złavili amal adrazu, paviedamiła pres-słužba palicejskaj kamiendatury Praga Południe.
26-hadovy biełarus chavaŭsia na praciahu troch hadoŭ: vyjazdžaŭ za miažu, nieadnarazova mianiaŭ dakumienty, vykarystoŭvaŭ roznyja piersanalnyja źviestki.
Aryštavali mužčynu ŭ kancy sakavika 2023 hoda, kali jon pryjechaŭ u Polšču. U jaho byli pry sabie padroblenyja ŭkrainskija pravy kiroŭcy. Akazałasia, što jaho taksama šukali palicyjanty ź inšaha polskaha padraździaleńnia, a taksama niamieckaja palicyja.
U sakaviku 2020 hoda troje mužčyn udzielničała ŭ rabavańni z užyvańniem chałodnaj zbroi. Usiaho napadnikaŭ było troje: dvaich padazravanych zatrymali praktyčna adrazu, a biełarusa šukali amal try hady.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary