Pra heta zajaŭlaje «Chryścijanskaja vizija» sa spasyłkaj na ŭłasnyja krynicy. Śćviardžajecca, što kiraŭnictva Katalickaha kaścioła ŭžo šukaje zamienu probašču Čyrvonaha kaścioła Uładzisłavu Zavalniuku, jaki kiruje im z 1990 hoda, kali śviatyniu pieradali viernikam paśla savieckaj kanfiskacyi.
Raniej telekanał «Biełsat» paviedamlaŭ, što ksiandza Uładzisłava ŭžo sprabavali niadaŭna pieravieści probaščam u parafiju Rakava kala Minska. Ale jon zdoleŭ pierakanać, što «heta budzie niepryhoža adnosna našaj parafii — pakinuć jaje ciapier, u taki ciažki momant». Tym nie mienš rakaŭskuju parafiju paśla śmierci miascovaha probašča pieradali pad «šefstva» Čyrvonaha kaścioła.
Nahadajem, što Čyrvony kaścioł zakryty dla viernikaŭ z 26 vieraśnia 2022 hoda paśla padazronaha incydentu ź nibyta pažaram u sakrystyi. U toj ža dzień administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary
Miesca, kab pamalicca Bohu, zaŭsiody znojdziecca. Tolki navošta jaho šukać u łapach biesa?
Nu chaj łukašysty ŭ hetym budynku bulbu zachoŭvajuć. Skončycca heta ŭsio. Ale zastaniecca pamiać. Kali heta adbudziecca, pamiać ab tym, što pradstaŭniki katalickaj carkvy ŭ Biełarusi raźmianiali svajho słužku, parafijan, sumleńnie na zmovu z karnikami. Pryhožyja słovy ŭ carkvie na spravie dajuć taki vynik? Nu dyk navošta biełarusam takaja carkva? BPC užo da satany pajšła. Zaraz i kataliki tudy adpraviacca?
Mo pradstaŭniki katalickaj carkvy nie razumiejuć takija bazavyja rečy? Ci razumiejuć, ale naŭmysna lezuć u łapy da čorta? I ŭ adnym, i ŭ druhim vypadku ŭ kaściole niama čaho šukać dy čakać vierujučym biełarusam.
Vialiki dziakuj Chryścijanskaj Vizii za infarmacyju. Niasiecie śviet u hetym zmroku.