Na placoŭcy Biełaruskaj univiersalnaj tavarnaj biržy 27 krasavika projduć tarhi pa prodažy siadziby hrafa Čarnyšova-Kruhlikava, pabudavanaj u Čačersku. Pačatkovaja cana hetaha abjekta nieruchomaści vyznačanaja na ŭzroŭni 859 tys. rubloŭ, paviedamlaje Office Life.
Patencyjnym udzielnikam tarhoŭ birža prapanuje ŭnieści zadatak u pamiery 171 tysiačy rubloŭ.
Siadziba maje status historyka-kulturnaj kaštoŭnaści treciaj katehoryi. Nieruchomaść ujaŭlaje saboj izalavanaje pamiaškańnie ŭ dvuchpaviarchovym cahlanym budynku i nie adnosicca da žyllovaha fondu. Budynak maje centralnaje aciapleńnie, chałodnaje vodazabieśpiačeńnie, kanalizacyju, elektrazabieśpiačeńnie, vientylacyju.
Viadoma, što siadziba była zakładziena ŭ pieršaj pałovie XIX stahodździa, a kančatkova jaje dabudavali ŭ 1860 hodzie. Z 1905 hoda tut pracavała ziemskaja škoła. Potym budynak pierarabili ŭ stajniu, a paśla vajny ŭ siadzibie raźmiaščalisia dziciačaja biblijateka i Dom pijanieraŭ.
U 2002 hodzie budynak pierajšoŭ na bałans adździeła kultury rajvykankama, a siońnia byłaja hrafskaja siadziba čakaje inviestara.
U Sieńnienskim rajonie vystavili na prodaž reštki majontka, u jakim niekali pracavaŭ Janka Kupała
U Słucku znoŭ vystavili na prodaž histaryčny budynak byłoha kamiercyjnaha vučylišča. Za čatyry miesiacy jon patańnieŭ u piać razoŭ
U Minsku vośmy raz sprabujuć pradać majomaść zakrytaha zavoda, cana pamienšała ŭ piać razoŭ
Stohadovy panski dom prapanujuć za 37 rubloŭ. Jość aciapleńnie, vada, elektryčnaść, kanalizacyja, telefon i 2 ha ziamli
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie20
Kamientary