Deputaty Kijeŭskaj haradskoj rady na pasiadžeńni 23 sakavika pierajmienavali jašče 16 taponimaŭ, nazvy jakich źviazanyja z Rasijaj i savieckim minułym.
U tym liku vulica Dabralubava budzie nazyvacca imiem biełaruskaha piśmieńnika Uładzimira Karatkieviča.
«Na praciahu dziesiacihodździaŭ Kreml sprabavaŭ naviazać ukraincam svaju pieravahu, i heta vyrazna było adlustravana ŭ nazvach haradskich abjektaŭ. Rasija adkryta pierakryŭlała histaryčnyja padziei i źniščała ŭkrainskuju kulturu. I padčas poŭnamaštabnaj vajny heta vyrazna ŭsio ŭśviadomili. Užo hod haradskija ŭłady sumiesna z hramadskaściu ŭ stalicy pravodziać maštabny praces derusifikacyi. U nas jość svaje paety, fiłosafy, navukoŭcy, hramadskija dziejačy i hieroi, jakija ŭ roznyja pieryjady pracavali na karyść i abaraniali naš horad, krainu ŭ cełym», — napisaŭ sakratar Kijeŭskaj haradskoj rady Uładzimir Bandarenka.
Usiaho ŭ Kijevie pierajmienavana ŭžo 288 abjektaŭ.
Uładzimir Karatkievič vučyŭsia ŭ Kijevie i navat niejki čas pracavaŭ u škole. U Kijevie kala biełaruskaha pasolstva jość pomnik piśmieńniku.
Varta zaznačyć, što ŭ Minsku niama ni pomnika, ni vulicy imia piśmieńnika, a vulica Karatkieviča nazvana ŭ honar padpolščyka.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary