Kreml raspracavaŭ płan pa padparadkavańni Małdovy, padobny da biełaruskaha scenara
Administracyja prezidenta Rasii vosieńniu 2021 hoda raspracavała stratehičny dakumient, jaki apisvaje płan padparadkavańnia Małdovy Maskvie. Dakumient pad zahałoŭkam «Stratehičnyja mety Rasijskaj Fiederacyi ŭ Respublicy Małdova» atrymali žurnalisty-rasśledavalniki, u tym liku centra «Daśje». Hetyja ž žurnalisty raspaviali raniej pra dakumient AP RF pa vajskovym, kulturnym i ekanamičnym pahłynańni Biełarusi da 2030 hoda.
Małdaŭskaja stratehija akazałasia bolš dalikatnaj, piša «Daśje»: najpierš, Kreml płanuje pieraškodzić krainie zbližacca z Rumynijaj i naviazać joj ruskuju movu. Ale płan bolš šyroki.
Jak i ŭ vypadku z dakumientam, pryśviečanym Biełarusi, mety Rasii ŭ Małdovie dzielacca na vajskova-palityčnyja, handlova-ekanamičnyja i humanitarnyja i raźbityja pa stupieni terminovaści — da 2022, 2025 i 2030 hadoŭ.
Realistyčnymi metami na biahučaje dziesiacihodździe aŭtary dakumienta ličać:
- supraćstajańnie ŭpłyvu NATA i ES na Małdovu;
- prymus Małdovy da ŭdziełu ŭ ADKB, JEAES i inšych rasijskich mižnarodnych prajektach;
- urehulavańnie prydniastroŭskaha kanfliktu na asnovie asablivaha statusu Prydniastroŭja (viadoma ž, pry ŭdziele Rasii);
- uzmacnieńnie prarasijskich nastrojaŭ u hramadstvie praz prapahandu i adukacyjnyja prahramy.
Karotkaterminovyja mety rasijskaj stratehii ŭklučajuć niejtralizacyju lubych dziejańniaŭ urada Małdovy, nakiravanych na likvidacyju rasijskaj vajskovaj prysutnaści ŭ Prydniastroŭi, stvareńnie sietki niaŭradavych arhanizacyj, jakija prasoŭvajuć raźvićcio rasijska-małdaŭskich adnosin.
Da 2030 hoda dakumient praduhledžvaje pašyreńnie ŭdziełu Małdovy ŭ JEAES, stvareńnie ŭ respublicy ŭstojlivych hrup rasijskaha ŭpłyvu i ŭrehulavańnie prydniastroŭskaha kanfliktu na asnovie asablivaha statusu Prydniastroŭja.
Ruskaja mova pavinna stać movaj mižnacyjanalnych znosin u Małdovie, u tym liku praz prysutnaść rasijskich ŚMI.
Adnym ź instrumientaŭ ekanamičnaha ŭpłyvu AP RF bačyć ekspłuatacyju zaležnaści Małdovy ad rasijskaha impartu, u pieršuju čarhu ad pastavak hazu.
- U pačatku lutaha na pasiadžeńni Jeŭrapiejskaj Rady Uładzimir Zialenski zajaviŭ, što ŭkrainskaja vyviedka pierachapiła detalovy rasijski płan destabilizacyi situacyi ŭ Małdovie z metaj ustalavać maryjanietkavy ŭrad u Kišyniovie.
- 11 sakavika pradstaŭnik Rady nacbiaśpieki ZŠA Džon Kirbi paviedamiŭ, što amierykanskaja raźviedka ličyć, što źviazanyja z rasijskimi śpiecsłužbami asoby płanujuć spravakavać paŭstańnie suprać urada Małdovy, kab ustalavać u krainie prarasijskuju administracyju.
Rasijskija ŭłady źbirajucca da 2030 hoda dałučyć Biełaruś — ŚMI atrymali dostup da dakumienta Kramla
Stała viadoma, chto rychtavaŭ płan pahłynańnia Biełarusi Rasijaj
Prezident Małdovy ahučyła infarmacyi pra płan destabilizacyi krainy. U im mieli ŭdzielničać i hramadzianie Biełarusi
Małdova pačynaje pacichu vychodzić z SND
Małdova ŭpieršyniu pierastała kuplać rasijski haz
Prezident Małdovy: Kraina moža ŭstupić u vajskovy błok
Čamu Małdova admaŭlajecca ad małdaŭskaj movy
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary