Prezident Małdovy ahučyła infarmacyi pra płan destabilizacyi krainy. U im mieli ŭdzielničać i hramadzianie Biełarusi
Prezident Małdovy Maja Sandu paćvierdziła, što ŭkrainski bok pieradaŭ joj płany Kramla pa destabilizacyi situacyi ŭ Małdovie i što rychtavalisia siłavyja dziejańni z pryciahnieńniem dyviersantaŭ z-za miežaŭ krainy — z Rasii, Biełarusi i Bałkan, piša newsmaker.md.
Pra heta jana zajaviła na śpiecyjalnym bryfinhu.
«Heta karotkaterminovy płan, jaki praduhledžvaje dyviersii z pryciahnieńniem asob z vajennaj padrychtoŭkaj, pieraapranutych u cyvilnaje. Jany płanujuć hvałtoŭnyja dziejańni, u tym liku napady na niekatoryja dziaržustanovy i zachop zakładnikaŭ», — zajaviła Maja Sandu.
Pavodle jaje słoŭ, pieradadzienyja Kijevam materyjały ŭtrymlivajuć padrabiaznuju dakumientacyju łahistyki dla arhanizacyi hetych dyviersijnych dziejańniaŭ.
«Płan praduhledžvaje vykarystańnie ludziej z-za miežaŭ krainy dla hvałtoŭnych dziejańniaŭ u Małdovie. Naprykład, materyjały ŭtrymlivajuć instrukcyi dla ŭjezdu ŭ Małdovu hramadzian RF, Biełarusi, Sierbii i Čarnahoryi», — dadała prezident.
Sandu adznačyła, što «pry ažyćciaŭleńni płana złačyncy raźličvajuć na niekatoryja ŭnutranyja siły, u pryvatnaści, na takija złačynnyja hrupoŭki, jak partyja «Šor», na niekatorych vieteranaŭ, na byłych supracoŭnikaŭ pravaachoŭnych orhanaŭ i na ludziej, viadomych svaimi suviaziami z Płachatniukom».
Sa słoŭ Sandu, meta hetych dziejańniaŭ — «źviaržeńnie kanstytucyjnaj i lehitymnaj ułady ŭ Kišyniovie» i zamiena jaje na nielehitymnuju, prarasijskuju, «kab Rasija zmahła spynić praces jeŭrapiejskaj intehracyi respubliki i vykarystoŭvać Małdovu ŭ vajnie suprać Ukrainy».
Prezident zajaviła, što parłamient Małdovy pavinien jak maha chutčej pryniać zakonaprajekty, jakija daduć Słužbie biaśpieki i prakuratury nieabchodnyja instrumienty «dla bolš efiektyŭnaj baraćby z ryzykaj biaśpiecy krainy».
«Usich, chto ŭdzielničaje ŭ takich akcyjach i chto ich abaraniaje, nieabchodna pryciahnuć da adkaznaści», — dadała kiraŭnik dziaržavy.
Sandu zaklikała hramadzian być pilnymi i daviarać aficyjnaj infarmacyi, tamu što «najbolš ahresiŭnaja forma ataki — heta infarmacyjnaja ataka».
«Sproby Kramla zładzić hvałt u našaj krainie nie ŭviančajucca pośpiecham. Zachoŭvajem spakoj i vierym u Małdovu», — skazała Sandu.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary