Pry hetym jašče try hady tamu jon byŭ samym papularnym zamiežnym palitykam va Ukrainie.
Ukrainski centr ekanamičnych i palityčnych daśledavańniaŭ imia Razumkova ŭ kancy lutaha pravioŭ čarhovaje apytańnie siarod ukraincaŭ nakont ich staŭleńnia da Biełarusi.
U asabistym farmacie było apytana 2020 respandentaŭ roznych uzrostaŭ, akramia niepaŭnaletnich, z usich padkantrolnych uładam Ukrainy terytoryj. Pavodle aŭtaraŭ daśledavańnia, jaho chibnaść nie pieravyšaje 2,3%.
Vyniki hetaha apytańnia my pryvodzim nižej.
- 80,6% respandentaŭ ličać, što Biełaruś źjaŭlajecca paŭnapraŭnym udzielnikam vajny suprać Ukrainy. 7,5% kažuć, što heta nie tak.
- Tolki 12,4% stanoŭča staviacca da Biełarusi, a amal 81% — niehatyŭna.
- Kala 70% paśla zakančeńnia vajny ŭ cełym zhodny na poŭny razryŭ lubych adnosin ź Biełaruśsiu razam z zabaronaj na ŭjezd va Ukrainu ŭsich hramadzian Respubliki Biełaruś (akramia palityčnych uciekačoŭ).
«Amal usie apytanyja vykazali niehatyŭnaje staŭleńnie da Alaksandra Łukašenki (76,3% — niehatyŭna, 15,9% — rezka niehatyŭna). Pry hetym tolki 3,3% vykazalisia ŭ jahony adras pazityŭna», — havorycca ŭ spravazdačy.
Charakterna, što, pavodle infarmacyi hetaha ž sacyjałahičnaha centra, try hady tamu Łukašenka byŭ samym papularnym zamiežnym palitykam va Ukrainie.
Tady pa apytańniach jamu daviarała 46% respandentaŭ, što, naprykład, pieravyšała pakazčyk ukrainskaha davieru tahačasnamu kancleru Hiermanii Anhiele Mierkiel (36,5%).
Siarod ukrainskich palityčnych sił bolšy davier da Łukašenki ŭ 2020 vykazvali ŭ prarasijskaj partyi «Apazicyjnaja płatforma — za žyćcio» (lidara jakoj jašče letaś abmianiali na abaroncaŭ «Azoŭstali») — 79%.
A ŭ partyi «Słuha naroda» dziejnaha prezidenta Ukrainy Uładzimira Zialenskaha pazityŭnaje staŭleńnie da Łukašenki tady vykazvali 54% apytanych.
Nahadajem, što 7 sakavika Łukašenka nazvaŭ Zialenskaha «hnidaj» paśla paśpiachovaj dyviersii suprać rasijskaha samalota-navodčyka ŭ Mačuliščach.
Ukrainski bok na hetuju abrazu adkazvać nie staŭ.
Łukašenka zajaviŭ pra «ŭkrainskaha terarysta» i zatrymańnie «dvaccaci saŭdzielnikaŭ»
Alaksiej Daniłaŭ: Ukraina nie razryvaje dypłamatyčnych adnosin ź Biełaruśsiu, kab nie pravakavać Łukašenku
«My viedali pra budučuju ataku na Kijeŭ ź Biełarusi i zakulisna padrychtoŭvali Ukrainu dla jaje adbićcia». Entani Blinkien daŭ vialikaje intervju da hadaviny vajny va Ukrainie
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć30
Kamientary