«Bajpoł» śćviardžaje, što ŭdzielniki płana «Pieramoha» dva tydni viali aeranazirańnie za samalotam, ich dron padlataŭ da jaho, siadaŭ na radar i paśpiachova viartaŭsia nazad.
«Dziravaja SPA łukašystaŭ», — tak nazyvajecca hetaje videa.
U apublikavanym videa niama prykmiet skidańnia na samalot vybuchoŭki.
Miarkujučy pa cieni na videa, raźviedka rabiłasia dronam DJI FPV.
«Dron bieśpieraškodna pralataje na terytoryju aeradroma, spakojna kružyć vakoł najkaštoŭniejšaha rasijskaha samalota i navat ažyćciaŭlaje pasadku prama na jaho antenu RŁS (t.zv. «talerku»), a zatym prosta lacić.
Možna skazać, što takim čynam było zaličana ŭmoŭnaje źniščeńnie borta, bo ŭ vypadku padryvu BPŁA prosta na «talercy» samalota abo ŭ jaho ruchaviku nastupstvy byli b katastrafičnymi», — piša rasijski vajskovy błohier milinfolive.
Kamientary