U Kaściukovičach da vieraśnia 2019 hoda niezaŭvažna dla ŭsich źniščyli histaryčnuju kamianicu ź vielmi składanym i bahatym dekoram fasadaŭ — piša telehram-kanał aktahon. Budynak raźmiaščaŭsia pa adrasie Junackaja vulica, 16, niedaloka ad centralnaj płoščy. Znos byŭ vyjaŭleny vypadkova pry analizie spadarožnikavych zdymkaŭ u Google Earth.
Fotazdymkaŭ stračanaha budynka zachavałasia mała, i ŭsie jany — dziesiacihadovaj daŭniny.
Budynak nie ŭvachodziŭ u śpis pryznanych dziaržavaj historyka-kulturnych pomnikaŭ. Ale heta ahulnaja biada ŭsich histaryčnych abjektaŭ u Kaściukovickim rajonie — u dziaržaŭny śpis tut uniesieny tolki dźvie brackija mahiły (jakija i tak znachodziacca pad achovaj pavodle inšych zakanadaŭčych aktaŭ).
«To-bok na terytoryi ŭsiaho rajona nie znajšłosia nivodnaha paćviardžeńnia žyćcia ludziej: ni archieałahičnych pomnikaŭ, ni architekturnych, — piša kanał aktahon. — Tut ludzi vyklučna pamirali. Tolki da takoj vysnovy možna pryjści, prahladajučy abjekty, uniesienyja pa hetym rajonie ŭ Śpis.»
«Na vialiki žal, uschodniaja Biełaruś zastajecca turystyčna niepryciahalnaj (i zastajecca takoj nazaŭždy, kali padobnyja znosy nie skončycca), tamu pra źniščeńnie niejkaha histaryčnaha budynka možna daviedacca tolki ŭ vyniku hłybokaha analizu», — kanstatuje aŭtar telehram-kanała.
I zaklikaje biełarusaŭ: «Kali łaska, padarožničajcie nie tolki na Hrodzienščynu, chacia b kab zafiksavać u dobraj jakaści tyja pomniki, jakija cudam acaleli».
-
Čamu chamieleony kruciać vačyma va ŭsie baki? Navukoŭcy rastłumačyli tajamnicu «fatahrafičnaha» pozirku
-
«Nafih vizy. Ja bolš nie budu jeździć u krainy, jakija nie zacikaŭlenyja ŭ turystach nastolki, što zakryvajuć miežy»
-
«Nivodnaja kraina ŭ XXI stahodździ nie zmoža dasiahnuć siaredniaj praciahłaści žyćcia ŭ 100 hadoŭ»
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary