DTZ adbyłosia 29 kastryčnika ŭ 19.40 na vulicy Taškienckaj.
paviedamlaje ŭpraŭleńnie DAI HUUS Minharvykankama.
DTZ adbyłosia 29 kastryčnika ŭ 19.40 na vulicy Taškienckaj. 26‑hadovy mužčyna, kirujučy aŭtamabilem «Mazda», na nierehulavanym skryžavańni ŭčyniŭ najezd na piaciarych dziaŭčynak‑padletkaŭ (dźvie 17‑hadovyja, adna — 14‑hadovaja, i dźvie — 13‑hadovyja). Paciarpiełyja byli dastaŭlenyja ŭ balnicu chutkaj miedycynskaj dapamohi. U adnoj ź dziaŭčynak 1992 hod naradžeńnia dyjahnastavany pierałom pravaj šyjki plača, astatnija paśla ahladu adpuščanyja damoŭ. Pavodle słoŭ paciarpiełych, jany išli hulać u Čyžoŭski park.
Pavodle infarmacyi UDAI MUS,
29 kastryčnika na prypynku ŭ Baranavickim rajonie zahinuŭ 14‑hadovy padletak.
U 19.40 19‑hadovy małady čałaviek, kirujučy biez vadzicielskaha paśviedčańnia aŭtamabilem «Žyhuli», na zakruhleńni darohi nie spraviŭsia z kiravańniem, vyjechaŭ na prypynak hramadskaha transpartu i najechaŭ na chłopčyka. Paciarpieły byŭ dastaŭleny ŭ balnicu, dzie ad atrymanych traŭm pamior. Vadziciel ź miesca zdareńnia źjechaŭ, ale byŭ zatrymany.
Pavodle źviestak DAI, za dzieviać miesiacaŭ pa vinie vadzicielaŭ adbyłosia 3.686 DTZ, u jakich 665 čałaviek zahinuli i 4.249 atrymali ranieńni.
Pa vinie niećviarozych vadzicielaŭ učyniena 685 DTZ. 443 DTZ adbylisia pa pryčynie parušeńniaŭ praviłaŭ prajezdu piešachodnaha pierachodu, 45 DTZ — pry parušeńni vadzicielami praviłaŭ prajezdu zon prypynkaŭ hramadskaha transpartu. Pa vinie piešachodaŭ učynieny 684 DTZ, u jakich zahinuła 178 čałaviek i 520 atrymali ranieńni. Pa vinie niećviarozych piešachodaŭ ŭčyniena 213 DTZ.
30 kastryčnika DAI pravodzić Adziny dzień biaśpieki darožnaha ruchu, pryśviečany pavyšeńniu kultury ŭzajemaadnosinaŭ vadzicielaŭ i piešachodaŭ, pad devizam «Pavažaješ siabie — pavažaj inšych». Supracoŭniki DAI naviedvajuć navučalnyja ŭstanovy, pracoŭnyja kalektyvy arhanizacyj i pradpryjemstvaŭ, pravodziać lektoryi i hutarki pra biaśpiečnyja pavodziny na darohach.
Kamientary