Na dvare pa‑vosieńsku chałodny doždž, dyj dušeŭnaje nadvorje nie raduje. Usio čaściej naviedvajuć sumnyja dumki, i śviet navokał padajecca niepryjemnym šerym snom.
Na dvare pa‑vosieńsku chałodny doždž, dyj dušeŭnaje nadvorje nie raduje. Usio čaściej naviedvajuć sumnyja dumki, i śviet navokał padajecca niepryjemnym šerym snom. Kali heta padobna da vašaha samaadčuvańnia, vinšuju: u vas vosieńskaja depresija.
Daktary staviacca da siezonnaj depresii pacyjentaŭ ź ironijaj: padumaješ, papicie antydepresantaŭ i pačakajcie na viasnu. Ale jość jašče niekalki receptaŭ, jakija možna pasprabavać biez škody dla zdaroŭja.
Recept pieršy: śviatło i kolery
Pakłapaciciesia pra dobraje aśviatleńnie ŭ pamiaškańni, dzie vy pracujecie. Śviatło budzie spryjać dobramu nastroju i stymulavać pracazdolnaść. Nie treba ekanomić na zdaroŭi vačej i ŭłasnym nastroi. Leki daražejšyja za kiłavaty.
Jašče psichołahi rajać pravieści koleraterapiju. Žoŭcieńkija, čyrvonieńkija, pamarančavyja i inšyja jarkija drabnicy paviesialać vas i nahadajuć pra leta i dobry nastroj.
Recept druhi: navinki
Heta nie toje, što vy padumali. Pamianiajcie sabie stryžku abo koler vałasoŭ. Nabudźcie novuju adziežynu ci jakuju pryładu dla aŭtamabila. Štości novaje ŭ vašaj vyjavie ci atačeńni zaradzić vas pazityŭnaj enierhijaj. I nivodzin doktar nie admianiaŭ šopinh jak srodak baraćby z drennym nastrojem. Karystajciesia!
Recept treci: płanavać i maryć
Padumajcie, jak viesieła budzie zimoj pakatacca na łyžach ci kańkach, spłanujcie Novy hod i Kalady. Možna pačać zahadzia rychtavać padarunki, kali, kaniešnie, finansavy bok hetaj spravy nie vyklikaje ŭ vas admoŭnych emocyjaŭ. Kali lubicie viazać abo šyć, prahladzicie časopisy mod, abiarycie madel i… nie zabyvajciesia na jarkija i nasyčanyja kolery!
Recept čaćviorty: padymicie piatuju kropku z kanapy
Zajmiciesia čymści novym (tancami, aerobikaj, płavańniem, fihurnym katańniem). Sport dapamoža zastacca ŭ formie i zaradzić vas vyklučna pazityŭnaj enierhijaj. Čaściej sustrakajciesia ź siabrami. Inšymi słovami, usialak paźbiahajcie chaty vosieńskimi viečarami.
Recept piaty: dobraja kniha i pryjemnaja muzyka
Psichołahi rekamiendujuć pačynać ranicu ź viasiołaj enierhičnaj muzyki. A nie z palityčnych navinaŭ, tym bolš kryminalnaj chroniki. Jašče prafiesar Preabraženski nie raiŭ, pamiatajecie? Jak varyjant, vy¬dzielić viečaram hadzinku dla ŭlubionaj knihi pad spakojnuju pryjemnuju muzyku z kubačkam smačnaj harbaty. Niaŭžo heta nie ščaście?
Recept šosty: smakoćcie
Kab pazbavicca ad depresii, ješcie bolej śviežaj sadaviny i harodniny, picie bolej sokaŭ. Kali vy lubicie sałodkaje, zabudźciesia pra dyjety na niekatory čas, paradujcie siabie smačnaj ježaj. Ale aściarožna: siezonnaja depresija moža źmianicca depresijaj ad lišnich kiłahramaŭ.
Nie zabyvajcie pra pryrodnyja stymulatary: travianyja harbaty, kitajski limońnik, advar šypšyny. Z ranicy dazvalajcie sabie kavałačak čornaha šakaładu. Horki šakaład uzmacniaje vypracoŭku sieratanina, harmona radaści, a značyć, palapšaje nastroj! Harmony ščaścia «zdabyć» možna taksama ŭžyvajučy marožanaje, banany i cukaty.
Recept siomy: najlepšy
Pastaŭcie sabie za metu chvalić siabie za kožnuju zroblenuju spravu. Pračnuŭsia a siomaj — małajčyna, zrabiŭ 10 adciskańniaŭ — asiłak, spaźniŭsia na pracu — taksama dobra, nie atrymałasia sprava — značyć, atrymajecca inšaja.
Što b z vami ni zdarałasia, zastavajciesia pazityŭnymi, i tady navat samaje zmročnaje i chałodnaje nadvorje padasca vam pryjemnym vosieńskim dzianiočkam.
Kamientary