Łukašenka padpisaŭ zakony ab hramadzianskaj supolnaści i palityčnych partyjach
14 lutaha Łukašenka padpisaŭ zakony «Ab asnovach hramadzianskaj supolnaści» i «Ab źmienie zakonaŭ pa pytańniach dziejnaści palityčnych partyj i inšych hramadskich abjadnańniaŭ», paviedamlaje jaho pres-słužba. Abodva zakonaprajekty raniej byli ŭchvalenyja deputatami abiedźviuch pałat łukašenkaŭskaha Nacyjanalnaha schodu.
U pieršym z dakumientaŭ vyznačanyja paniaćci «hramadzianskaja supolnaść» i «subjekty hramadzianskaj supolnaści», ich pryncypy, zadačy i «asablivyja formy» ŭzajemadziejańnia ź dziaržavaj.
Hramadzianskaj supolnaściu ad hetaha času łukašenkaŭskaja dziaržava budzie ličyć «ludziej, jakija pastajanna žyvuć u Biełarusi i vykazvajuć svaju hramadzianskuju pazicyju praz udzieł u hramadskich adnosinach i instytutach, nie zabaronienych zakonam». A ličycca pradstaŭnikami hetaj supolnaści dazvolać tolki praŭładnym niedziaržaŭnym strukturam i abjadnańniam.
«Asablivyja formy ŭzajemadziejańnia ź dziaržavaj» — heta ŭdzieł u abrańni delehataŭ Usiebiełaruskaha narodnaha schodu, zbor i vypracoŭka prapanoŭ dla UNS. Prava na ich buduć mieć tolki zarehistravanyja hramadskija abjadnańni, jakija majuć struktury va ŭsich abłaściach i Minsku z kolkaściu nie mienš za sto tysiač paŭnaletnich hramadzian, a taksama prafsajuznyja abjadnańni, kudy ŭvachodzić nie mienš za pałovu zarehistravanych u krainie prafsajuzaŭ.
Papraŭki ŭ zakanadaŭstva ab palityčnych partyjach praduhledžvajuć pavieličeńnie minimalnaha parohu kolkaści partyj z 1 da 5 tys. členaŭ, abaviazak mieć struktury va ŭsich abłaściach i Minsku, a taksama inšyja strohija normy, jakija niemahčyma navat farmalna vykanać partyjam, stvoranym biez sankcyi źvierchu.
Užo najaŭnyja partyi treba budzie pierarehistravać pa novych praviłach na praciahu paŭhoda paśla ŭstupleńnia zakona ŭ siłu, a hramadskim abjadnańniam treba budzie pryvieści svaje ŭstanoŭčyja dakumienty ŭ adpaviednaść z novymi patrabavańniami na praciahu hoda.
Čytajcie taksama:
Pryvieźli navat beerseemaŭca z Zelvy. Chto pikietavaŭ učora pad polskim hienkonsulstvam u Hrodnie
U apošnim słovie Aleś Bialacki zaklikaŭ da dyjałohu dziela nacyjanalnaha prymireńnia
«Kali chtości ŭ palityku zajhrajecca». Lidary ŁDPB i KPB abmierkavali budučaje partyjnaje žyćcio
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary
Puskaj jeŝio napišiet, kak ja dołžien lubiť svoju žienu.