Sud Centralnaha rajona Minska asudziŭ deputata Minskaha haradskoha savieta deputataŭ, namieśnika staršyni Libieralna‑demakratyčnaj partyi Biełarusi Uładzimira Karunasa da piaci hadoŭ pazbaŭleńnia voli z kanfiskacyjaj majomaści.
Uładzimir Karunas pryznany vinavatym pa č. 5 art 16, č.2 st. 431 (padbuchtorvańnie da davańnia chabaru), č.3 art. 209 (machlarstva), č.2 art. 430 (atrymańnie chabaru) Kryminalnaha kodeksa Respubliki Biełaruś.
Karunasu staviłasia ŭ vinu dva epizody złačynnaj dziejnaści: toje, što, budučy deputatam Minharsavieta 25‑ha sklikańnia, jon atrymaŭ chabar ad troch hramadzian Biełarusi (14 młn 640 tys rubloŭ) za ich pryznačeńnie pamočnikami deputata i vydaču adpaviednych paśviedčańniaŭ.
Padziei pavodle druhoha epizodu prachodzili ŭ krasaviku — traŭni 2006 hoda, kali asudžany sumiesna z žycharom Minska padbuchtorvaŭ hramadzian Biełarusi da davańnia chabaru supracoŭnikam pravaachoŭčych orhanaŭ i suda za spynieńnie kryminalnaj spravy ŭ dačynieńni da svajakoŭ. Suma chabaru skłała 6 tys. dalaraŭ.
Prysud suda pakul nie ŭstupiŭ u siłu ŭ suviazi z pravam bakoŭ na jaho abskardžańnie.
Ciapier čytajuć
Łukašenku na śviacie ŭ Aleksandryi supravadžała aficer Zajcava20
Kamientary