Pra heta paviedamiŭ namieśnik premjer‑ministra Biełarusi Uładzimir Patupčyk.
Admoŭnaje saldazamiežnaha handlu pa vynikach 9 miesiacaŭ pieravysiła 3,5 młrd. dalaraŭ ZŠA pry prahnozie nie bolš čym 1,5 młrd. dalaraŭ.
Pra heta paviedamiŭ namieśnik premjer‑ministra Biełarusi Uładzimir Patupčyk 28 kastryčnika na sumiesnym pasiadžeńni abiedźviuch pałat nacyjanalnaha schodu.
Pavodle jaho słoŭ, rost admoŭnaha vonkavahandlovaha salda abumoŭleny «zamarožvańniem na składach pradukcyi, pryznačanaj dla ekspartu, u jakoj prysutničaje impartnaja składajučaja». Patupčyk paviedamiŭ, što ekspart tavaraŭ i pasłuh da ŭzroŭniu anałahičnaha letašniaha pieryjadu skłaŭ 57,6%, a impart — 65,5%.
Vice‑premjer taksama adznačyŭ, što pryrost VUP za siem miesiacaŭ hetaha hoda skłaŭ 0,4%. Adnak pa vynikach vaśmi miesiacaŭ zafiksavana padzieńnie VUP na 0,5%, pa vynikach dzieviaci miesiacaŭ źnižeńnie skłała 0,3%.
Indeks fizičnaha abjomu vytvorčaści pramysłovaj pradukcyi skłaŭ 95,5%, a vytvorčaści spažyvieckich tavaraŭ skłaŭsia na ŭzroŭni 99,4% da anałahičnaha pieryjadu 2008 hoda. Pry hetym Patupčyk paviedamiŭ, što ŭ studzieni—vieraśni suadnosiny zapasaŭ hatovaj pradukcyi i siaredniamiesiačnaha abjomu vytvorčaści na pramysłovych pradpryjemstvach skłali 77,8%. U paraŭnańni z vaśmiu miesiacami hetaha hoda nazvany pakazčyk źniziŭsia na 2,4%.
Pavodle słoŭ vice‑premjera, za 9 miesiacaŭ 2009 hoda ŭ Biełarusi ŭviedziena 4 młn. kv. m ahulnaj płoščy žyłych damoŭ, što składaje bolš za 75% da hadavoha zadańnia.
U studzieni—žniŭni zvyš 380 tysiač hramadzian pracavali ŭ režymie niapoŭnaj zaniataści, kala 15 tysiač čałaviek u žniŭni byli adpraŭlenyja ŭ adpačynki biez zachavańnia zarpłat pa inicyjatyvie najmalnika.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz58
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary