Kampanija Google straciła 100 młrd dalaraŭ praz pamyłkovy adkaz čat-bota
Pamyłka čat-bota Bard, zasnavanaha na technałohii štučnaha intelektu, kaštavała Alphabet, maciarynskaj kampanii Google, kala 100 młrd dalaraŭ. Na stolki źnizilisia jaje akcyi paśla niaŭdałaj prezientacyi navinki, piša Reuters.
U prezientacyjnym roliku Bard pavinien byŭ adkazvać na prostyja pytańni, ale pry adkazie na zapyt, jakija adkryćci zrabiŭ kaśmičny teleskop Džejms Ueb, zrabiŭ pamyłku. Adkaz, što ź jaho dapamohaj byli atrymanyja pieršyja zdymki ekzapłaniet, byŭ niapravilny.
Choć pamyłku zaŭvažyli niepasredna pierad prezientacyjaj, kampanija ŭsio adno jaje praviała. Ale furoru jana nie vyklikała, što ŭrešcie pryviało da rasprodažu akcyj.
Tak jak Microsoft i Google chočuć ukaranić štučny intelekt u technałohii pošuku, dakładnaść padavanaj čat-botami infarmacyi maje vielmi vialikaje značeńnie.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary