Da 2030 hoda 30% terytoryj Ziamli pavinny atrymać achoŭny status
Tak zvanaja meta 30ch30 pryniataja ŭ ramačnaj prahramie, jakuju ŭ śniežni ŭchvalili 196 krain śvietu, uklučajučy i Biełaruś, na 15-j Kanfierencyi bakoŭ Kanviencyi AAN ab bijaraznastajnaści, piša telehram-kanał «Dzikaja pryroda pobač».
Bałota Jelnia
Ciapier pad achovaj znachodziacca 17% terytoryi i 10% marskoj akvatoryi płaniety. U Biełarusi pa stanie na 2022 hod pad pryrodnyja terytoryi, jakija asabliva achoŭvajucca, addadziena 9,1% płoščy krainy.
Ciapier hłabalnyja tempy vymirańnia vidaŭ u dziasiatki i sotni razoŭ vyšejšyja, čym u siarednim za apošnija 10 miljonaŭ hadoŭ. Da hetaha pryviali hałoŭnym čynam strata pryrodnych ekasistem, ich frahmientacyja i źmieny klimatu.
Sietka źviazanych pamiž saboj achoŭnych terytoryj — najvažniejšaja reč, kab spynić źniknieńnie vidaŭ žyvioł i raślin.
30ch30 — pramiežkavaja meta, choć pryniaćcie jaje dałosia ciažka, a hałoŭnaje — nieviadoma jak budzie jaje buduć dasiahać.
Uvohule ž navukoŭcy pryjšli da vysnovy, što kab zachavać 80% vidaŭ, spravicca z kryzisam bijaraznastajnaści i klimatyčnym kryzisam, u naturalnym stanie pavinna znachodzicca jak minimum pałova płaniety.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno13
Kamientary