Kanada ŭviała sankcyi suprać šerahu rasijskich ŚMI i artystaŭ, uklučajučy Hazmanava, Rastarhujeva, Alehravu i Hałuściana
Ułady Kanady ŭviali sankcyi suprać šerahu rasijskich artystaŭ, žurnalistaŭ i ŚMI za «raspaŭsiudžvańnie dezinfarmacyi i prapahandy». Usiaho ŭ sankcyjny śpis byli ŭklučanyja 38 čałaviek i 16 jurydyčnych asob, paviedamlaje MZS Kanady.
U pryvatnaści, pad sankcyi patrapili muzyki Dzima Biłan, Aleh Hazmanaŭ, Alaksandr Bujnoŭ, Mikałaj Rastarhujeŭ, Alaksandr Maršał i Ihar Butman, śpiavački Łarysa Dolina, Iryna Alehrava i Palina Haharyna, akciory Marat Bašaraŭ, Dźmitryj Dziužaŭ i Maksim Avieryn, komik Michaił Hałuścian, televiadučaja Dana Barysava.
Akramia taho, pad sankcyi patrapili žurnalisty Siarhiej Bryloŭ, Taćciana Mitkova, Jaŭhien Paddubny, Andrej Kaleśnikaŭ i deputat Dziarždumy Alaksandr Chinštejn.
Taksama kanadskija ŭłady ŭviali sankcyi suprać miedyjahrupy «Rasija siońnia», ahienctva RIA «Naviny» i resursaŭ, źviazanych z zasnavalnikam PVK «Vahnier» Jaŭhienam Pryhožynym.
«Pucinskaja vajna va Ukrainie hruntujecca na chłuśni i padmanie. Rasijskaja mašyna dezinfarmacyi mabilizuje znakamitaściaŭ i tak zvanyja navinnyja arhanizacyi, kab retranślavać arhumienty Kramla ŭ sprobie apraŭdać źvierstvy va Ukrainie», — patłumačyŭ novyja sankcyi kanadski MZS.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary