Samy vałasaty čałaviek u śviecie choča syhrać u kino małpu + fota
Kitajec Ju Čženchuań, jaki zasłužyŭ zvańnie samaha vałasataha čałavieka ŭ śviecie, vyrašyŭ źviarnucca da płastyčnaha chirurha, kab atrymać žadanuju rolu ŭ novym telefilmie.
Kitajec Ju Čženchuań, jaki zasłužyŭ zvańnie samaha vałasataha čałavieka ŭ śviecie, vyrašyŭ źviarnucca da płastyčnaha chirurha, kab atrymać žadanuju rolu ŭ novym telefilmie. Praz harmanalny dysbałans vałasy pakryvajuć 96% cieła 32‑hadovaha Čžnchuania, tak što jon pretenduje na rolu małpy.
Čženchuań zdymajecca ŭ kino z samaha dziacinstva, a adzin čas byŭ śpievakom. Niadaŭna jon pasprabavaŭ atrymać hałoŭnuju rolu małpy cara Suń Ukuna ŭ novaj televiersii kłasičnaha kitajskaha ramana «Padarožža na Zachad». Adnak režysior filma zajaviŭ, što pretendent niedastatkova pryhožy.
«Ja ličyŭ siabie samym lepšym kandydatam, tamu što ja padobny da małpy, a maja mianuška čałaviek‑małpa, — zajaviŭ ździŭleny artyst. — Ja pračytaŭ knihu i znajšoŭ prafiesijnaha cyrulnika, kab toj pieratvaryŭ mianie ŭ čałavieka‑małpu. Ale na prasłuchoŭvańni mianie nie ŭziali».
«Ja maju namier lehčy na apieracyju, kab pazbavicca ad vałasoŭ, i zrabić płastyku tvaru, kab być bolš padobnym da simpatyčnaj małpy.Niachaj režysior paškaduje ab svaim rašeńni», — dadaŭ Ju Čženchuań. Na dumku płastyčnaha chirurha, daviadziecca ładna papracavać nad vačyma, nosam i vušami akciora.
U minułym Čženchuań, jakoha Kniha rekordaŭ Hinesa ŭ 2002 hodzie pryznała samym vałasatymi čałaviekam u śviecie, užo pazbaŭlaŭsia ad častki vałasoŭ. Jon rabiŭ heta, kab nie pakutavać ad haračyni letam, lepš bačyć i čuć.
A voś u asabistym žyćci zališnija vałasy nie pieraškadžajuć, kaža mužčyna: z kachanaj u jaho ŭsio ŭ paradku. «My vydatna ładzim. Vałasy dla jaje nie hrajuć nijakaj roli», — zapeŭnivaje kitajec.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary