U BDUIR mohuć adpravić studentaŭ vučycca za miažu. Pieralik krain uražvaje
Z 25 studzienia pa 15 lutaha ŭ Biełaruskim dziaržaŭnym univiersitecie infarmatyki i radyjoelektroniki prymajuć zajaŭki na navučańnie za miažoj u nastupnym navučalnym hodzie. Konkurs pravodziać u ramkach realizacyi mižnarodnych dahavoraŭ Biełarusi ab supracoŭnictvie ŭ śfiery adukacyi, piša «Biełaruś siehodnia».
Aficyjnaje vydańnie z honaram pieraličvaje krainy, u jakija ŭniviersitet hatovy nakiravać svaich studentaŭ dla atrymańnia bolš vysokaj kvalifikacyi:
Respublika Kazachstan, Kyrhyzskaja Respublika, Respublika Tadžykistan, Turkmienistan, Sacyjalistyčnaja Respublika Vjetnam, Manholija, Respublika Małdova, Siryjskaja Arabskaja Respublika, Arabskaja Respublika Jehipiet.
Pry hetym za ščaślivy bilet treba pazmahacca, pajechać atrymlivać «ajcišnuju» adukacyju ŭ Turkmienistanie ci Siryi mohuć tolki najlepšyja:
«Pryniać udzieł mohuć navučency BDUIR, jakija majuć vysokija vyniki navučańnia (siaredni bał paśpiachovaści nie nižejšy za 7 bałaŭ) i imknieńnie pracavać u śfiery IKT, jakija nie majuć akademičnych, finansavych zapazyčanaściaŭ i dyscyplinarnych spahnańniaŭ, a taksama adpaviadajuć usim umovam, ustanoŭlenym prahramaj», — tłumačyć pres-słužba ŭniviersiteta.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary