Lidar KCHP-BNF, kiraŭnik inicyjatyvy «Volnaja Biełaruś» Zianon Paźniak u Lvovie na Łyčakaŭskich mohiłkach ušanavaŭ pamiać udzielnikaŭ paŭstańnia Kalinoŭskaha, piša «Radyjo Svaboda».
«Siońnia my sabralisia, tamu što nad nami, kali znoŭ pahražaje hety vorah usim nam, nad nami visić duch hetych paŭstancaŭ, jakija pajšli na śmierć, kab hety duch padymaŭ cełyja pakaleńni. Kastuś Kalinoŭski, jaki ŭznačalvaŭ paŭstańnie na Biełarusi, pierad šybienicaj napisaŭ list da naroda, jaki zakančvaŭsia vieščymi słovami: tady, narodzie, budzieš svabodny, kali nad taboj maskala ŭžo nie budzie. Voś heta zapaviet ludziej, jakija pajšli na śmierć, jon važny ciapier i dla nas», — skazaŭ Zianon Paźniak na akcyi pamiaci.
Na Łyčakaŭskich mohiłkach pachavanyja ŭdzielniki paŭstańnia, najbolš viadomy ź jakich viciebski charunžy Symon Šydłoŭski. Akcyju arhanizavała polskaja dyjaspara va Ukrainie, na joj prysutničali taksama dypłamaty Polščy, Litvy i pradstaŭniki haradskich i abłasnych uładaŭ Lvova.
Zianon Paźniak padkreśliŭ, što historyja paŭstańnia Kastusia Kalinoŭskaha važnaja dla narodaŭ Polščy, Litvy, Biełarusi i Ukrainy.
«Patrebnaja dapamoha ŭkraincam, kab hety mordar byŭ raźbity. I my musim viarnucca da taho, što było ŭ pačatku. I ciapier ab hetym havorycca ŭ Polščy, ab tym, kab Uschodniaja Jeŭropa abjadnałasia, kab była Bałta-čarnamorskaja supolnaść. I tady Uschodniaja Jeŭropa budzie prykładam dla ŭsioj Jeŭropy», — pierakanany jon.
«Tak budzie, bo va Uschodniaj Jeŭropie dumajuć nie tolki racyjaj, ale i sercam. Chaj ža hety ściah budzie dla nas simvałam, jak treba zmahacca, i jak treba pieramahčy adviečnaha voraha — rasijski impieryjalizm. Usimi siłami dapamahajma Ukrainie! Słava Ukrainie! Hierojam słava!» — zaklikaŭ Zianon Paźniak.
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
-
Zaŭtra — skaročany pracoŭny dzień. A kali buduć nastupnyja vialikija vychodnyja?
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary