Hramadstva4343

Cichanoŭskaja ŭ Davosie kančatkova vyznačyłasia z hieapalityčnym vybaram. Tłumačać ekśpierty

Biełaruskaja delehacyja ŭpieršyniu za 30 hod uziała ŭdzieł u Suśvietnym ekanamičnym forumie ŭ šviejcarskim Davosie. Apošni raz heta adbyłosia ŭ 1992 hodzie, kali Biełaruś pradstaŭlaŭ Stanisłaŭ Šuškievič. Ciapier delehacyju ŭznačaliła Śviatłana Cichanoŭskaja.

 Fota: Ofis Cichanoŭskaj

Pra ŭdzieł biełaruskaj delehacyi ŭ najbujniejšym ekanamičnym forumie śvietu ŭ efiry kanału «Svaboda Premium» raskazali ŭdzielniki biełaruskaj delehacyi: vice-prezidentka Asacyjacyi biełaruskaha biznesu za miažoj (ABBA) Maryna Hiryn i pradstaŭnik Śviatłany Cichanoŭskaj pa ekanamičnych reformach, vice-prezident ABBA Aleś Alachnovič.

U forumie biaruć udzieł lidary 52 dziaržaŭ i kala 600 hiendyrektaraŭ mižnarodnych kampanij i karparacyj. Padčas pieršaj u historyi Davosa dyskusii, całkam pryśviečanaj Biełarusi, lidarka demakratyčnych siłaŭ Biełarusi zajaviła:

«Biełaruś — heta častka Jeŭropy. I heta tyčycca nie tolki hieahrafii. My padzialajem jeŭrapiejskija kaštoŭnaści. My — častka jeŭrapiejskaj historyi i častka jeŭrapiejskaha bačańnia. Ja kažu i pra hieapalityčnaje, i pra ekanamičnaje bačańnie. Tut, u Davosie, ja chacieła b ahučyć vam vielmi vyrazny sihnał: Biełaruś zaŭsiody budzie častkaj vializnaj jeŭrapiejskaj ekanomiki. Kali ŭ majoj krainie adbuducca demakratyčnyja źmieny, krainy Jeŭrapiejskaj ekanamičnaj zony buduć našymi hałoŭnymi partniorami ŭ handli i inviestycyjach».

Palityk nahadała, što ES hatovy dać pakiet ekanamičnaj padtrymki dla zapusku reformaŭ u Biełarusi. Jeŭrakamisija ŭžo harantavała budučaj demakratyčnaj Biełarusi 3 miljardy jeŭra padtrymki.

«Krytyka Cichanoŭskaj (nakont vyraznaj hieapalityčnaj pazicyi. — RS) była biespadstaŭnaj. Kali jana išła na vybary, to hetaje pytańnie nie stajała rubam. Asnoŭnaj prahramaj Cichanoŭskaj było spynieńnie represij, vyzvaleńnie palitviaźniaŭ i praviadzieńnie novych prezidenckich vybaraŭ. Jana tady abjadnała šyrokija masy biełarusaŭ. Paśla pačatku vajny nie isnuje sumnievu, što budučynia Biełarusi moža być vyklučna ŭ siamji svabodnych jeŭrapiejskich narodaŭ. My tolki tady budziem niezaležnymi i svabodnymi, kali budziem intehravacca ŭ suśvietnuju ekanomiku.

Śviatłana Cichanoŭskaja adkryta kaža, što miesca Biełarusi — u Jeŭropie, tam, dzie našy susiedzi».

Alachnovič nahadaŭ, što zaležnaść biełaruskaj ekanomiki ad Rasii dasiahnuła siońnia viaršyni — 70% biełaruskich tavaraŭ ekspartujecca ŭ Rasiju, i 70% dziaržaŭnaha doŭhu taksama naležyć Rasii.

«Kali Biełaruś abiare šlach na Zachad, jana budzie dobra raźvitaj ekanomikaj. Pradstaŭnica našaj arhanizacyi tut skazała, što biełarus paŭsiul žyvie dobra, aprača Biełarusi. My bačym, jak biełarusy, jakija zjazdžajuć, chutka stanoviacca na nohi, viaduć biznes, pracujuć u karparacyjach. Da biełarusaŭ vielmi dobraje staŭleńnie jak da sumlennych ludziej. My bačym vialiki patencyjał u biełarusach», — zajaviła vice-prezidentka Asacyjacyi biełaruskaha biznesu za miažoj (ABBA) Maryna Hiryn u intervju «Svabodzie».

Kamientary43

  • Niama viery cichanoŭskaj
    20.01.2023
    Pozna ŭžo, treba było ŭ 20 vyznačacca, a nie prasić pucina padtrymać jaje! Ciapier užo jana i ŭvieś hety kabiniet - minułaje.
  • Praŭdarub
    20.01.2023
    Narešcie! Nie prajšło i try hady…
  • Manhoł
    20.01.2023
    Niama viery cichanoŭskaj, Łkašist, zhiń! Obraŝienije k putinu było situacionnym.Eto dipłomatija, kotoraja vmiehda była tieńju łži. Vah šizik tolko tak i pravit. I u nieho situacija VMIEHŁA łdivaja. Uči matčasť.

    Tichanovskaja i jeje komanda sovieršili ohromnyj šah k priznaniju Biełarusi jevropiejskim hosudarstvom! Da, my poka okkupirovany. No avsie vpieriedi!

Ciapier čytajuć

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii

Usie naviny →
Usie naviny

«U banku paćvierdzili, što jany sapraŭdnyja». Biełaruska kupiła na Wildberries dalary pa niečakanym kursie6

Za dziećmi ŭ škołach buduć pilna sačyć pa kamierach — kab jany nie karystalisia telefonami3

Što viadoma pra Paŭlučenku, jaki ŭ 2020 hodzie pieradaŭ Cichanoŭskaj skrutak z hrašyma i supravadziŭ da miažy?7

Bieraściejca Daniła Palanskaha źvinavacili ŭ «zdradzie dziaržavie» i asudzili na 10 hadoŭ1

Pucin nazvaŭ AAE adnym z prydatnych miescaŭ dla jaho sustrečy z Trampam1

Zasnavany biełarusam startap zapartnioryŭsia z sacsietkaj Trampa

U Varšavie ŭ biełarusaŭ i ŭkraincaŭ nie pryniali zajavy na DNŽ, bo ich zapisaŭ nie akazałasia ŭ sistemie6

Alaksandra Hierasimienia pra prodaž kvatery z aŭkcyjonu: Patelefanavali ŭłaśniku i skazali, što buduć adbirać5

Na rynku ŭ rasijskim Adlery handlavali samarobnaj čačaj — jana zabiła jak minimum 10 čałaviek4

bolš čytanych navin
bolš łajkanych navin

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii

Hałoŭnaje
Usie naviny →

Zaŭvaha:

 

 

 

 

Zakryć Paviedamić