Kiraŭnik «Trybuny» pra «pakajańni» futbalistaŭ: Adna reč, kali suprać ciabie kryminałka, inšaja — kali ty zapisvaješsia, kab zarabić na misku pachlobki
Kiraŭnik Tribuna.com Maksim Bierazinski vykazaŭsia nakont zajaŭ biełaruskich futbalistaŭ Vasila Chamutoŭskaha i Anatola Makarava.
Nahadajem, były bramnik biełaruskaj zbornaj Vasil Chamutoŭski paśla suda paprasiŭ nie ličyć jaho palitviaźniem i abvinavaciŭ pravaabaroncaŭ u stvareńni lišniaha infašumu. A paŭabaronca «Tarpieda-BiełAZ» Anatol Makaraŭ daŭ intervju «Minskaj praŭdzie», dzie apraŭdvaŭsia za zdymki ŭ videa suprać hvałtu.
«Ja b nie staviŭ znak roŭnaści pamiž tym, što kazaŭ Chamutoŭski i što kazaŭ Makaraŭ. Mnie ŭsio ž taki zdajecca, što heta roznyja situacyi, — prakamientavaŭ hetyja kiejsy Bierazinski ŭ efiry «Svaboda Premium». —
Adna reč, kali suprać ciabie jość kryminałka i, nakolki ja viedaju, u Vasila vielmi składanaja situacyja.
I nie tolki praz hetu kryminałku, ale i jość i niekatoryja inšyja historyi, jakija ja b nie chacieŭ raspaviadać. Mahčyma, Vasil sam raspaviadzie jak-niebudź. Mnie zdajecca, što, kali ty traplaješ u hetuju pastku, ty možaš rabić usio, kab ź jaje vyzvalicca. U mianie jazyk nie pavaročvajecca skazać niešta nakont Vasila.
Ale što datyčyć tych, chto zapisvaje takija videa, kab zarabić sabie na misku pachlobki i kab jaho nie vyšturchnuli z kłuba, mnie zdajecca, heta niejkaja haniebnaja historyja.
Asabliva ŭ situacyi Makarava, jaki ŭvohule skazaŭ try słovy «My suprać hvałtu». I heta tyja słovy, jakija možna kazać u lubym režymie. Niama ničoha takoha, heta prosta zvyčajnaja takaja chryścijanskaja, čałaviečaja historyja. I kali Makaraŭ kaža, što jon usio zrazumieŭ i zrazumieŭ svaje pamyłki, što tut skazać. Ja navat nie viedaju. Hałoŭnaje, kali ty vybačaješsia, razumieć, za što ty vybačaješsia. A Makaraŭ vybačajecca za toje, što skazaŭ try słovy, u jakich uvohule niama ničoha takoha».
Chamutoŭski: Prašu nie ličyć mianie palitźniavolenym
Futbalist, jaki zapisaŭ videa suprać hvałtu ŭ 2020 hodzie, daŭ «pakajannaje intervju»
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary