Na Čarnihaŭščynie SBU vykryła čałavieka, jaki pracavaŭ na śpiecsłužby Biełarusi. Jon źbiraŭ raźvieddanyja ab Siłach abarony ŭ pryhraničnych rajonach na poŭnačy Ukrainy, paviedamlaje viedamstva.
Im akazaŭsia žychar Čarnihaŭščyny, jaki arhanizavaŭ kanał nielehalnaj pierapraŭki za miažu ŭkrainskich hramadzian pryzyŭnoha ŭzrostu.
Supracoŭniki SBU zatrymali złamyśnika ŭ vyniku śpiecapieracyi ŭ kancy 2022 hoda.
Padčas dasudovaha rasśledavańnia byli vykrytyja novyja fakty złačynnaj dziejnaści zatrymanaha.
Pierš za ŭsio ŭstanoŭlena, što jon pravodziŭ raźviedvalna-padryŭnuju dziejnaść u rehijonie na karyść śpiecsłužbaŭ Biełarusi.
Mienavita dla ich złamyśnik źbiraŭ infarmacyju ab dysłakacyi i pieramiaščeńni padraździaleńniaŭ sił abarony na terytoryi vobłaści.
Asablivuju ŭvahu źviartaŭ na miescy žycharstva kamandnaha składu ŭkrainskich vojskaŭ.
Atrymanyja źviestki sprabavaŭ pieradać u Rasiju praz adnaho z uchilistaŭ, jakoha jon źbiraŭsia tajna pierapravić praź miažu pa-za kantrolna-prapusknymi punktami.
Na padstavie sabranych dokazaŭ śledčyja Słužby biaśpieki paviedamili biełaruskamu ahientu ab padazreńni ŭ:
— art. 111 (dziaržaŭnaja zdrada);
— art. 263 (niezakonnaje vykarystańnie zbroi, bajavych prypasaŭ abo vybuchovych rečyvaŭ);
— č. 3 art. 332 (arhanizacyja niezakonnaj pierapraŭki asob praź dziaržaŭnuju miažu Ukrainy) Kryminalnaha kodeksa Ukrainy.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary