На Чарнігаўшчыне СБУ выкрыла чалавека, які працаваў на спецслужбы Беларусі. Ён збіраў разведданыя аб Сілах абароны ў прыгранічных раёнах на поўначы Украіны, паведамляе ведамства.
Ім аказаўся жыхар Чарнігаўшчыны, які арганізаваў канал нелегальнай перапраўкі за мяжу ўкраінскіх грамадзян прызыўнога ўзросту.
Супрацоўнікі СБУ затрымалі зламысніка ў выніку спецаперацыі ў канцы 2022 года.
Падчас дасудовага расследавання былі выкрытыя новыя факты злачыннай дзейнасці затрыманага.
Перш за ўсё ўстаноўлена, што ён праводзіў разведвальна-падрыўную дзейнасць у рэгіёне на карысць спецслужбаў Беларусі.
Менавіта для іх зламыснік збіраў інфармацыю аб дыслакацыі і перамяшчэнні падраздзяленняў сіл абароны на тэрыторыі вобласці.
Асаблівую ўвагу звяртаў на месцы жыхарства каманднага складу ўкраінскіх войскаў.
Атрыманыя звесткі спрабаваў перадаць у Расію праз аднаго з ухілістаў, якога ён збіраўся тайна пераправіць праз мяжу па-за кантрольна-прапускнымі пунктамі.
На падставе сабраных доказаў следчыя Службы бяспекі паведамілі беларускаму агенту аб падазрэнні ў:
— арт. 111 (дзяржаўная здрада);
— арт. 263 (незаконнае выкарыстанне зброі, баявых прыпасаў або выбуховых рэчываў);
— ч. 3 арт. 332 (арганізацыя незаконнай перапраўкі асоб праз дзяржаўную мяжу Украіны) Крымінальнага кодэкса Украіны.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу9
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары