TAA «Simiens Enierhietyka», jakoje źjaŭlałasia aficyjnym pradstaŭnictvam hiermanskaha kancerna Siemens AG u Biełarusi, znachodzicca ŭ likvidacyi ź listapada. Heta paćvierdzili ŭ ofisie kampanii na zapyt sajta Office Life.
«Z 10 listapada hetaha hoda było pryniata rašeńnie ab likvidacyi. Heta značyć, Siemens AG sychodzić ź biełaruskaha rynku», — paviedamili ŭ ofisie.
U kampanii nie stali kamientavać, chto ciapier budzie absłuhoŭvać abstalavańnie Siemens u Biełarusi. Adnak udakładnili, što pramym prodažam zajmalisia aŭtaryzavanyja partniory, takija jak SIMATEK, TAA «Inasat-Aŭtamatyzacyja», «Sienkam-Aŭtamatyks», «AMSI techna», «Jeŭrapiejskaja elektratechničnaja kampanija». Śfiera dziejnaści hetych arhanizacyj taksama ŭklučaje ŭ siabie naładku i servisnaje absłuhoŭvańnie.
U listapadzie Siemens pradaŭ uvieś svoj finansavy i lizinhavy biznes u Rasii.
Uletku hetaha hoda ab zhortvańni prysutnaści ŭ Rasii paviedamiła i šviedskaja Siemens Energy, jakaja ŭ 2020 hodzie paśla karparatyŭnaj rearhanizacyi pieratvaryłasia ŭ samastojnuju kampaniju. Tady ž stali źjaŭlacca paviedamleńni ab prypynieńni supracoŭnictva Siemens ź biełaruskimi arhanizacyjami, uklučajučy DVA «Biełenierha». Adnak u 2021 hodzie šviedskaja Siemens Energy praciahvała vykonvać kantrakt na pastaŭku hazavych turbin dla patreb biełaruskaj enierhasistemy.
U mai šviedy pastavili pieršuju hazaturbinnuju ŭstanoŭku Siemens SGT-800 dla pikava-reziervovych enierhakrynic i hienieratar na Navapołackuju CEC. Zatym — u filijał CEC — «RUP»Minskenierha». Usiaho ŭ Biełaruś pavinna było pastupić 16 hazavych turbin, u tym liku dla «Brestenierha» i «Viciebskenierha». Ci vykananyja ŭsie hetyja kantrakty, «Biełenierha» nie paviedamiła.
Kamientary