Akcior Haściuchin razarvaŭ adnosiny ź blizkimi svajačkami. Jon za Rasiju i Pucina, a jany suprać
76-hadovy akcior Uładzimir Haściuchin, jaki žyvie ŭ Biełarusi, ale zaŭsiody padtrymlivaje Rasiju, u tym liku i ŭ vypadku vajny va Ukrainie, raskazaŭ, što jaho ŭ hetym nie padtrymali navat ułasnyja dačka i siastra, z-za čaho jon razarvaŭ ź imi suviazi. Svaju pavučalnuju historyju akcior raskazaŭ prapahandystu Barysu Karčeŭnikavu ŭ prahramie «Los čałavieka» na kanale «Rasija 1».
Pavodle słoŭ Haściuchina, jon sprabavaŭ źviazacca sa svajoj siastroj, jakaja žyvie ŭ Charkavie, paśla ŭvarvańnia Rasii va Ukrainu, i jamu nadta nie spadabałasia jaje reakcyja na jahony prarasijski list.
«Ja straciŭ siastru… Nu jak straciŭ? Jana nie zusim zdarovaja, uzrost užo. Usia hetaja ŭkrainskaja prapahanda zatłumiła joj hałavu, ź joj niemahčyma razmaŭlać!
Siastra žyła ŭ Charkavie, u nas dastatkova tam svajakoŭ. Kali pačałasia śpiecapieracyja, ja adpraviŭ joj list, i što pačałosia… Pajšła antyruskaja havorka… U mianie była isteryka. Heta ŭ mnohich ciapier», — zajaviŭ jon.
Ale heta było b jašče paŭbiady. Akramia siastry, Haściuchin ciapier nie razmaŭlaje i sa svajoj pazašlubnaj dačkoj Alaksandraj, jakaja žyvie ŭ ZŠA.
«Tam zvarjacieli. Dačka adyšła ad Rasii. Jana pryniała amierykanski bok», — zajaviŭ akcior.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary