Kiraŭnictva Kitaja zabaraniła ekspart pracesaraŭ Loongson u Rasiju i inšyja krainy. Niekatoryja rasijskija vytvorcy elektroniki ŭžo na praciahu doŭhaha času teściravali hetyja čypy, ale ciapier nabyć partyju niemahčyma, — raspavioŭ «Kommiersantu» surazmoŭca, blizki da Minličby Rasii.
Jon dadaŭ, što rasijskija kampanii nie mocna zaležać ad kitajskich pracesaraŭ, ale pry ŭźniknieńni prablem z paralelnym impartam jany spadziavalisia pieraklučycca na rašeńni Loongson.
Siarod pryčyn zabarony na ekspart vydańnie nazyvaje toje, što technałohiju pryznali stratehična važnaj dla Kitaja.
«Najlepšyja čypsety ŭ Kitai vykarystoŭvajucca ŭ vajskova-pramysłovym kompleksie, heta asnoŭnaja pryčyna, čamu jany niedastupnyja dla źniešnich rynkaŭ», — skazaŭ surazmoŭca «Kommiersanta».
Dyrektar kampanii «Promabit» Maksim Kopasaŭ adznačyŭ, što pakul nie bačyć prablem, pakolki ŭ Rasii niama masavych prajektaŭ z vykarystańniem hetych pracesaraŭ. Jon vykazaŭ zdahadku, što zabarona budzie farmalnaj, bo kupić noŭtbuki i maciarynskija płaty na čypie Loongson pa-raniejšamu mahčyma.
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary