Кіраўніцтва Кітая забараніла экспарт працэсараў Loongson у Расію і іншыя краіны. Некаторыя расійскія вытворцы электронікі ўжо на працягу доўгага часу тэсціравалі гэтыя чыпы, але цяпер набыць партыю немагчыма, — распавёў «Коммерсанту» суразмоўца, блізкі да Мінлічбы Расіі.
Ён дадаў, што расійскія кампаніі не моцна залежаць ад кітайскіх працэсараў, але пры ўзнікненні праблем з паралельным імпартам яны спадзяваліся пераключыцца на рашэнні Loongson.
Сярод прычын забароны на экспарт выданне называе тое, што тэхналогію прызналі стратэгічна важнай для Кітая.
«Найлепшыя чыпсэты ў Кітаі выкарыстоўваюцца ў вайскова-прамысловым комплексе, гэта асноўная прычына, чаму яны недаступныя для знешніх рынкаў», — сказаў суразмоўца «Коммерсанта».
Дырэктар кампаніі «Промабіт» Максім Копасаў адзначыў, што пакуль не бачыць праблем, паколькі ў Расіі няма масавых праектаў з выкарыстаннем гэтых працэсараў. Ён выказаў здагадку, што забарона будзе фармальнай, бо купіць ноўтбукі і мацярынскія платы на чыпе Loongson па-ранейшаму магчыма.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары